Inga-Dora Siumut Nuummi siulittaasuujunnaartoq

Inga-Dora G. Markussenip aalajangersimavaa, Siumup Nuummi immikkoortortaqarfiani siulittaasussatut sassaqqinniarnani. Tassunga taarsiullugu Siumumi siulittaasup tulliata aappaatut nunamut tamarmut politikki sammerusuppaa.

Inga-Dorap nunamut tamarmut politikki samminiarpaa, Siumut Nuummilu siulittaasussatut sassaqqinniarnani aalajangersimallugu.

Siumut Nuuk sisamanngornermi maajip 26-ani ileqquusumik ataatsimeersuarpoq.

Inga-Dora G. Markussenip aalajangersimavaa siulittaasutut sassaqqinniarnani, Hans Peter Poulsenilu siulittaasussatut nutaatut toqqagaasimalluni.

Siumut Nuummi siulersuisunngortut:

  • Hans Peter Poulsen, siulittaasoq
  • Lars-Jørgen Kleist, siulittaasup tullia
  • Nikoline Ziemer, aningaasersisoq
  • Peter Davidsen, ilaasortaq
  • Kim Høegh-Dam, ilaasortaq
  • Isak Davidsen, ilaasortaq
  • Kristina Mørch Kleis, ilaasortaq
  • Mari Laursen, sinniisussaq
  • Kirstine Davidsen, sinniisussaaq

Siulittaasuujunnaartup Inga-Dora G.Markussenip nassuiaatigaa, Siumut Nuummi allat aquummik tigusinissaat piffissanngormat, siulittaasutut sassaqqikkusussimanani.

- Kommuneqarfik Sermersuumi kommunalbestyrelsimut ilaasortaaninnut peqatigitillugu Siumumi siulersuisuunerni siulittaasup tulliata aapparivaanga. Nunamut tamarmut politikkimi suliassaqaqaanga, taamaammat piffissanngorpoq Siumut Nuumi aqutsisut allanngornissaat, pimoorullugit suliavut ingerlaqqinniassammata, Inga-Dora G. Markussen Sermitsiaq.AG-mut oqarpoq.

Najukkami sunniuteqartarnissaq ukkatarineqartoq

Hans Peter Poulsen Kommuneqarfik Sermersuumi kommunalbestyrelsimut ilaasortaanngilaq, Inatsisartunili ilaasortaalluni.

Inga-Dora G. Markussenip oqaatigaa, Kommuneqarfik Sermersuup kommunalbestyrelsiani ilaasortat immikkoortortaqarfinni siulittaasunit kommunalbestyrelsimi ilaasortaanngitsunit pissarsjiaqartarnissaat pitsaanerpaassasoq.

- Isumaqarpunga immikkoortortaqarfinni siulittaasut kommunalbestyrelsimi ilaasortanut isumassarsiaminnik tunniusisarnerat aaqqissuussaasoq pitsaasoq. Najukkanimi immikkoortortaqarfiit taamaalillutik najukkani innuttaasut sunik kissaateqartarnersut paasisimassaqarfiginerulissavaat, taamalu kommunalbestyrelsimi ilaasortaasugut suliat ingerlateqqinneqarnissaannut tunniussaqarfigisinnaalluta, Inga-Dora G. Markusen Sermitsiaq.AG-mut oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS