Skip to main content

Influenzamut illersuummik kapitinneq: Soqutiginnilluartoqarnera peqqinnissaqarfiup naammagisimaarpaa

Nuummi innuttaasut 276-it Nuummi Peqqissaavimmi sapaatip akunnerata naanerani influenzamut aamma puallunnermut akiuussutissamik kapitipput. Ilulissani akiuussutissamik kapitittut 201-upput.

Nuummi innuttaasut 276-it sapaatip akunnerata naanerani peqqissaavimmukarput kapitikkiartorlutik.

Innuttaasut influenzamut akiuussutissamik kapitittut aamma pneumokokinut akiuussutissamik kapitinnissamut neqeroorfigineqarsimapput, arlallillu akuersillutik. Peqqinnissaqarfik Sermitsiaq.AG-mut taama ilisimatitsivoq.

Pneumokokit tassaapput bakteriat assigiinngitsut, inuit ilaannut sakkortuumik puallutsitsillutik napparsimalersitsisinnaasut.

- Peqqinnissaqarfiup naammagisimaarpaa innuttaasut taama amerlatigisut kapuisoqarneranut aggersinnaasimammata, Nuummi peqqinnissaqarfik Sermitsiaq.AG-mut allakkatigut akissuteqarpoq.

Avannaata aamma taamaasiorpoq 

Ilulissani innuttaasut sakkortuumik nuallussinnaasut influenzamut akiuussutissamik kapitinnissamut sapaatip akunnerata naanerani aamma neqeroorfigineqarput.

LÆS OGSÅ: Innuttaasut nualluummut akiuussuserneqassapput

Kultoorip illorsua Sermermiut innuttaasunut kapitittussanut nakorsiarfinngorlugu sapaatip akunnerata naanerani aaqqissorneqarpoq. Avannaata Kommuniata tusaagassiorfinnut nalunaaruteqarluni ilisimatitsissutigaa innuttaasut 201-it kapitikkiartorsimasut.

- Pinaveersaartitsiniarneq pingaaruteqartoq ingerlanneqarpoq. Aaqqissuussaq piorsarsimassutsikkut illorsuarmit kommunimiillu tapersersorneqarluartoq naammagisimaaqaarput. Tamatuma takutiinnarpaa pingaaruteqarluartunik suleqatigiissuteqarsinnaasugut, Peter Vedsted, Peqqinnissaqarfik Avannaani nakorsat qullersaat oqarpoq.

Innuttaasut aarlerinartorsiorsinnaasut akiuussuserneqassapput

COVID-19 innuttaasunut aarlerinartorsiorsinnaasunut sakkortuumik napparsimatitsisinnaammat, nualluummut akiuussutissaliinissaq peqqinnissaqarfimmit pinaveersaartitsinertut atorneqarpoq.

Peqqinnissaqarfik akiuussutissanik kapuutinik 4.500-nik maannamut pisimavoq, taakkulu peqqinnissaqarfimmi nunap immikkoortuinut nassiussuunneqarsimallutik.

Aarlerinartorsiorsinnaasut tassaapput:

  • Inuit 65-t qaangerlugit ukiullit
  • Siusinaartumik sulisinnaajunnaarnersiuteqartut
  • Inuit tigukkut, puakkut, tartukkut uummatikkulluunniit qaangerneqarsinnaanngitsumik nappaateqartut
  • Inuit type 1 aamma 2-mik sukkortut
  • Inuit timimikkut akiuussutissakittut imaluunniit timimikkut akiuussutissakittumik illoqateqartut
  • Pualavallaarujussuartut (BMI 40 qaangerlugu)
  • Uge 13 qaangerlugu naartusut

Peqqinnissaqarfik Avannaani nakorsat qullersaat tusagassiorfinnut nalunaaruteqarnermi ilisimatitsivoq Avannaata Kommuniata sinneranut akiuussutissat kapuutit nassiussuunneqartut apuussimanersut paasiniassallugit.

Nuummi akiuussutissamik kapuineq sapaatip akunnerata tulliata naanerani ingerlateqqinneqassaaq, innuttaasut peqqissutsikkut aarlerinartorsiorsinnaasut akeqanngitsumik kapitinneqarnissamut neqerooruteqartoqaqqissalluni. Tamanna pissaaq 31. oktober aamma 1. november Dronning Ingridip Peqqissaaviani.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER