ilinniartitaaneq
Inersimasut ilinniaqqinnissaminnut periarfissinneqarput
Ukiuni marlunni ilinniagaqarneq inersimasunut ilinniarnertuunngorsimanngitsunut saaffiginnittoq
Inersimasut meeqqat atuarfiannik naammassinnissimasut nutaamik ilinniaqqinnissaminnut periarfissinneqarput.
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup Aasianni GUX-imi ukiuni marlunni ilinniagaqalernissamut piareersaataasumik ilinniagaq misiliutitut aallarnisalerpaa.
Ilinniagaq inersimasunut minnerpaamik 23-nik ukioqalereersimasunut minnerpaamillu ukiuni marlunni suliffimmik sulisimanissaq ilinniagaqalissangaanni piumasaqaataapput.
- Ilinniakkap inersimasut inersimasunik allanik peqateqarlutik ilinniarusuttut, ukiunilu pingasuni GUX-ernermit pilertornerusumik ingerlaqqiffiusumik ilinniagaqalernissamut aqqutissarserusuttut pisariaqartitaat naaperiarpai, Ilinniartitaanermut Naalakkersuisoq Doris Jakobsen taama oqarpoq.
Atuaruk: Ilinniagaqalernissamut piareersarnermut pikkorissartitsisarneq unitsinneqartoq
Taamaattoq ukiuni marlunni ilinniagaqarnissamut periarfissaq taanna ukiuni pingasuni ilinniarnertut annertutiginngilaq, kisianni ilinniagaq peqqissaasunngorniarusuttunut ilinniartitsisunngorusuttunut periarfissiivoq.
Ukiuni marlunni ilinniagaqalernissamut piareersaatasumik ilinniakkap, inersimasut siusinnerusukkut ukioq ataaseq ilinniartarnerat taarsissavaa.
Ilinniagaq nutaaq augustip qaammataanni aallartissaaq.