Innuttaasut amerlassusaat
Ineriartorneq mumippoq - innuttaasut maanna amerleriarput
Nunatsinni Naatsorsueqqissaartarfiup kisitsisit saqqummiussaasa nutaat takutippaat, siornamut sanilliullugu innuttaasut amerlerialaarsimapput
Ukiuni arlalinni ikiliartuinnareerlutik, kiisami maanna Nunatsinni innuttaasut amerleriarput.
Naatsorsueqqissaartarfimmit kisitsisit nutaat takutippaat, 2016-imi juulip aallaqqaataani Kalaallit Nunaanni inuit 56.186-it najugaqarsimapput. Innuttaasut januaarip aallaqqaataanut naleqqiullugu 339-nik amerlanerupput, 2015-imi juulip aallaqqaataanut naleqqiullugit 72-inik amerlanerupput.
Atuaruk: Agguaassassat 70 millioninik amerlanerusut
Kommunit marluk
Kommuneqarfik Sermersuumi innuttaasut amerlassusaat tupinnanngitsumik amerliartorput. Ukiup ataatsip ingerlanerani kommunini inoqarnerpaasumi inuit 262-inik amerleriarput.
Qaasuitsup Kommuniani innuttaasut aamma amerliartorput, Qeqqata Kommuniani aamma Kommune Kujallermi innuttaasut ikileriarsimallutik.
Atuaruk: Innuttaasut ukiuni 20-ni aatsaat taama ikitsigisut
Uani assip ataani innuttaasut amerlassusaat takusinnaavat