Skip to main content

Ineqi Aleqamik isornartorsiuisoq

Qinersinerup kingorna Mette Frederiksen ministeriunertut Siumumit tapersersornissaa, Ineqi Kielsenip oqaatigaa

Siumup Socialdemokratimeersumik ministeriunermik innersuussuteqarnissartik attatiinnarpaat. Tamanna folketingimut qinigassanngortittup Ineqi Kielsenip tusagassiutinut nalunaarummi oqaatigaa.

Ippassaq Aleqa Hammondip (NQ) Nunatsinnut iluaqusiinerpaasussamik ministeriunermik innersuussuteqarniarluni nalunaaruteqarnerata kingorna taama qisuariartoqarpoq. 

- Kingullertigut nunatsinni partiit arlaqartut aammalu savalimmiuni partiit ilaat folketingimi issiavissartik akisunermik tunisisumut
tunniunniarlugu nalunaaruteqaruteqartaartut. Naak akilersinnaasinnaagaluartoq iliuuseq, politikkerit
nalunngeqatiginnissutsiminnik tunngaveqarlutik aalajangertarnerat, isumaqarpunga eqqarsaatigilluagaanngittumik iliuuseqarnerusoq, Ineqi Kielsen isumaqarpoq.

Løkkep suleqatigilluarnera

Siumumiillu qinigassanngortittup nassuerutigaa, maanna Danmarkimi naalakkersuisut Nunatsinnilu Siumup siuttuuffigisaanik naalakkersuisut pitsaasumik suleqatigiissimasut. Taanna naapertorlugu, pitsaanerusumik paaseqatigiinnerulernerup malitsigisaanik ineriartortitsinermik aallarnisaanermik
iliuuseqarnerni nunatsinni ingerlatseqartigiiffiit aammalu aallarnisartut danskit nunatsinni
mittarfissualiornissamut pilersaarutinut tapertaasumik suliaqarnerinni malitseqarsimavoq.

- Naak nunatta danmarkillu akornanni uani qinigaaffimmi pitsaasumik suleqatigiittoqaraluartoq, taassumalu kinguneranik nunatta pitsaasumik ineriartornera pileraluartoq Siumumiit aaliangiusimavarput Socialdemokraatit siulittaasuat danmarkimi ministeriuninngortussatut toqqassallugu. Tunngaviusumik
isumaqarpugut nunatsinnut iluaqutissartaqarnerpaajussasoq qinersineq sioqqullugu toqqagassarput aaliangiusimagutsigu.

Namminiilivinnissaq pillugu tapersersuineq

Ineqi Kielsenillu erseqqissaatigaa qinigaassangaluaruni naalakkersuisut kikkuungaluarpataluunniit aningaasaqarnermut inatsisissamik
isumaqatiginninniarnermi isumaqatiginninniarnernilu allani suleqataasassalluni.

Kalaallit Nunaatali namminiilivinnissaanut aqqut pineqartillugu Mette Frederiksenimut tapersersuisuuvoq.

- Mette Frederiksen, SIKp nalliuttorsiornerani aammalu Siumup Qaqortumi aasarsioqatigiinneranni 2016-imi, oqariartuutigaa pissusissamisoortoq nunatta namminiilivinnissaq pillugu sulinera aammalu inuiaat namminiilivikkusussusiat inuiaat kinaassusaannut ilaasoq. Taama ministeriuninngorniartunit oqaluttuarisaanermi nunatta namminiilivinnissamik sulissuteqarnera taperserneqanngisaannarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER