Indianerinit kingoqqisut arnat siulliit kongressimi qinigaapput
USA-p inatsisartuinut qinersinermi Amerikami najugaqavissunik arnanik siullermeertumik qinigaasoqarpoq
Annonse
Demokraatit qineqqusaartitaat Sharice Davids aamma Deb Haaland, tassaapput indianerinit kingoqqisut arnat kongressemut qinigaasut siullersaraat. CNN taama allappoq.
Deb Haaland Pueblo of Lagunap inuininngaanneerpoq New Mexicomilu qinigaalluni. Sharice Davids Ho-Chunk-Nationimeersuuvoq Kansasimilu qinigaalluni, tassani republikanerit sinniisuutitaat Kevin Yoder taassuma ajugaaffigalugu.
Sharice Davids suiaassuseqatiminoortuuvoq taamaasillunilu Kansasimi LGBT-mut sinniisutut nalunaarsutut qinikkani siullersaalluni. Taanna eqqartuussissuserisuuvoq, siornatigullu mixed martial arts-imi illersueqataasimalluni.