Independence Fjordimi kanngussaqarfinnik ujaasineq
Avannaarsuani ingerlatseqatigiiffiit GreenX Metals aamma Greenfield Exploration suliniummi ”Arctic Rift Copper” kanngussammik, nikkelimik, tungstenimik sølvimillu ujaasipput.
Tuluit Australiamiullu ingerlatseqatigiiffiata GreenX Metalsip Australiamiut ingerlatseqatigiiffia Greenfield Exploration Kalaallit Nunaanni Tunup avannaarsuarni Independence Fjordimi kanngussammik ujaasinermi suleqatigaa. Tassaapput sumiiffimmi 5.774 kvadratkilometerimi ujaasinissamut immikkut ittumik akuersissutit. Kanngusaap saniatigut ingerlatseqatigiiffiit marluk nikkeleqarfinnik, tungstenimik sølvimillu ujaasipput.
Aviisi Sermitsiaq taama allappoq.
Ingerlatseqatigiiffiit suliniutaat ”Arctic Rift Copper”-imik taaguuteqartoq Citronen Fjordimi suliniutimit 130 kilometerinik kujasinnerusumiippoq, tassani annertuumik zinkeqarlunilu aqerloqarluni.
GreenX Metals aamma Greenfield Exploration naapertorlugit sumiiffik akuersissuteqarfiat oqaluttuarisaanermi annikitsuararsuarmik misissorneqarsimavoq, ilimagineqarporli annertuumik periarfissaqartoq ingammik kanngussammik, taannalu ungasinngitsukkut paasineqarluni tassaasoq sumiiffiup aatsisassaqarfiusup Kiffaanngitssutsip ilaa, isumaqartoqarluni USA-mi Michiganimi qeqertaasatut Keweenawitut ittoq, tassalu sulfideni 7 million tonsimik kanngussaqarluni, kanngussaqarlunilu piviusumik 8,9 million tonsinik.
Aviisimi Sermitsiami atuarnerusinnaavutit. Aviisi uani pissarsiariuk:
