Skip to main content

Inatsit Tunngaviusussaq Pillugu Isumalioqatigiissitat sulinertik aallarteqqippaat

Isumaqalioqatigiissitat ukioq manna pingajussaanik ataatsimiissimasut ilisimatitsissutigineqarpoq.

Naalakkersisut Siulittaasuata sapaatip-akunnerisa marluk matuma siornatigut nassuerutigalugu innuttaasunut nalunaarutigaa, Inatsit tunngaviusussaq pillugu Isumalioqatigiissitat sulinerat pilersaarutaasutut ingerlasimanngitsoq.

Taamatut nalunaaruteqarneranut pissutaavoq, Inuit Ataqatigiit siulittaasussatut toqqagaasa - Kuupik V. Kleistip - qaammatit pingasut sinnilaaginnarlugit siulittaasooreerluni siulittaasuunerminit tunuarnera.

Siulittaasutut tunuartup tassunga atatillugu isumalioqatigiissitani suleqatigiinniarnermik ajornartorsiuteqarneq isornartorsiorpaa, tassungalu atatillugu saqqummiunneqarpoq, isumalioqatigiissitat sulinissaminnut piffissaalatsinerat pissutigalugu ukiup affaanik immikkut sivitsorneqartariaqarsimasoq. Pilersaarutaagaluarpormi isumalioqatigiissitat suliartik ukioq manna naammassissagaat.

Isumalioqatigiissitanilli maanna nalunaarutigineqarpoq ataatsimeeqqissimallutik inatsisissamillu suliaqarneq ingerlaqqittoq. Isumalioqatigiissitat pingasunngornermi ataatsimiissimapput, tassani sulinerup qanoq ingerlateqqinneqarnissaa oqaluuserineqarsimalluni:

Suliassap annersaa suliarineqarsimasoq

- Naak tusagassiutini sammineqarnerput annertugaluartoq Inatsit tunngaviusussaq pillugu
Isumalioqatigiissitat sulinerat uninngaannanngilaq. Qanoq suleriaqqinnissarput
eqqartorparput qilanaarpugullu suleriaqqinnissatsinnut, siulittaasuugallartoq Ineqi Kielsen tusagassiorfitsigut nalunaaruteqarnermi oqarpoq.

Nalunaarut naapertorlugu inatsimmut tunngaviusussamut missingiutip annersaa suliarineqareersimasoq.

AAMMA ATUARUK: Partii isummaminik allannguisoq: Inatsit tunngaviusussaq pillugu Isumalioqatigiissitap atorunnaarsinneqarnissaanut taaseqataasoq

- Suleqatigiissitat pingasuusut Inatsimmik tunngaviusussamik suliaqartut immikkut
suliunnaarlutik ataatsimut sulilernissaat pilersaarutaavoq taamaasilluni Inatsimmut
tunngaviusussamut missiliuut Inatsit tunngaviusussaq pillugu Isumalioqatigiissitanit
inaarsarneqartussanngorluni, isumalioqatigiissitat allapput.

Ileqquusumik ataatsimiinnermi ilaatigut nunarput naalagaaffinngussappat qanoq ittumik
naalakkersueriaaseqartoqarnissaanut aalajangiinissamut tunngatillugu
workshoppertitsisoqarnissaa eqqartorneqartoq oqaatigineqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER