Skip to main content

Inatsit nutaaq pujortartatunut assigiinngitsutigut eqquissaaq

Innuttaasut pujortarunnaartinniarlugit sorsuuteqarneq inatsisissatut siunnersuut nutaaq aqqutigalugu annertusitinneqarpoq, tassani pujortarfiunngitsussanik atuutitsisoqalissaaq aamma sunoorsit, sukuluut aamma E-cigarettit E-væskellu inerteqqutaalissapput

Peqqissutsimut Naalakkersuisoqarfiup inatsisissatut siunnersuut pujortartarnermut peqqinnanngitsumut akiuisussaq tusarniaassutigalugu nassiuteqqammerpaa. Pilersaarutaavoq inatsisip aappaagu juulip aallaqqaataani atuutsinneqalernissaa.

Innuttaasut peqqinnerulernissaat anguniarlugu tupanut akitsuut ataasinngormat qaffanneqarpoq. Suliniuterpassuit allat nutaat aamma inuusuttut cigarettinik peqqinnanngitsunik pingitsuuisinnaajunnaarsinnaanerat pinaveersaarteqataassavaat.

Poortat qulinik imallit inerteqqutaalissasut

Inatsisissatut siunnersuummi assersuutigalugu cigarettit qulinik imallit inerteqqutaalissapput. Siunissami cigarettit pisiarineqarsinnaasut ikinnerpaamik 20-nik imaqartassapput, taakku inuusuttunut pujortarusuttunut akisunipilussuupput. Aamma inuusuttut q8-it inorlugit ukiullit tupaseqqusaassanngillat.

Inuit ataasiakkaat tupasiniarunik uppernarsaammik takutitsisassapput, ukiutigut killissarititaq malinneqarsinnaaniassammat. Taamaalilluni cigaretautomatit atorneqarnissaat inerteqqutaalissaaq. Inuusuttut pisiniarfinni sulisut ciagrettinik pisititsissagunik 18-inik ukioqalereersimassapput.

Pujortarfioqqusaanngitsut

Pujortarneq ajortut pujorsiunnginnissaat anguniarlugu makku pujortarfiusassannginnerannik inatsisitigut piumasaqaataavoq:

1) Pisortat suliffiutaat.

2) Aktiaateqarluni piginneqataassuteqarlunilu ingerlatseqatigiiffiit pisortanit pigineqartut.

3) Namminersortut suliffiutaat qulinik taakkuluunniit sinnerlugit sulisullit.

4) Iliniarfiit, meeqqqeriviit, matumani meeqqanik angerlarsimaffinni ulluunerani paarsisartut aamma ulloq unnuarlu paaqqinnittarfiit ilanngullugit, utoqqaat illui, ilinniartut ineqarfii sullissiviillu taakkununnga assersuunneqarsinnaasut.

5) Init kikkunnilluunniit isersimaffiusinnaasut.

6) Namminersortut peqatigiiffii klubbillu.

7) Taxat ataatsimoortumillu angallassissutit.

8) Sutorniartarfiit, cafeet allallu kikkunnut tamanut sassaallerfiusartut.

9) Init pisortanit pigineqartut.

10) Inissiat, ineeqqat assigisaallu sulinermut atatillugu unnuiffissatut attartortinneqartartut.

Inatsimmili pujortartartut silami pujortartarfimmik pilersitsisoqarsinnaatillugu naapinniarneqarput.

Pujortartarfeqarnissamut piumasaqaatit

- Silami pujortartarfiit ininit allanit avissaartillugit immikkuullarissumik silami pilersinneqassapput, oqorsagaanatik silammut ammaannartumik silaannarissarfilerlugit, anorimut sialummullu oqqiffissatut. Silami pujortartarfinni cigaritsikoorfinnik matoqqasunik ikkussuisoqassaaq. Silami pujortartarfiit pujortarnermuinnaq atugassatut pilersinneqassapput, taamaattutullu atorneqassallutik, inatsisissatut siunnersuummi taamatut allassimasoqarpoq.

Imerniartarfiit, natklubbit sutorniartarfiillu unnuakkut ammasartut illumut pioreersumut ilassutitut atasumik silami pujortartarfiliorsinnaapput, siunnersuummi allassimavoq.

Inatsisissatut siunnersuut novembarip 19-iani tusarniaassutigalugu nassiunneqarpoq, Peqqissutsimullu Naalakkesuisoqarfiup tusarniaanermut akissutit kingusinnerpaamik juulliaqqami tigoreersimassavai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER