Skip to main content

Inatsisissatut siunnersuut: Meeqqanik pinngitsaaliisarneq sakkortunerujussuarmik pineqaatissiissutaasalissaaq

Inatsisinik atuutsitsinermut ministerip ukiorpassuarni kalaallit politikkeriniit tatineqartareerluni inatsisissatut siunnersuummut missingiut piareerlugu suliarsimavaa, siunnersuut malillugu ukiukitsunik pinngitsaaliisarneq allatigullu kinguaassiuutitigut innarliisarneq sakkortunerusumik pineqaatissiissutaasalissapput.

Naalakkersuisut ukiuni arlalinni kissaatigisarsimavaat, Danmarkimi naalakkersuisut meeqqanik ukiukitsunik pinngitsaaliisarnermut kinguaassiuutitigullu innarliisarnermut pineqaatissiissutaasartut sakkortusissagaat. Inatsisissatut siunnersuummut missingiut maanna suliaralugu naammasineqarsimavoq, tusarniaassutigineqarneralu februaarip aqqarnani naammassisimalluni.

Siunnersuummut nassuiaatini atuarneqarsinnaavoq, pineqaatissiissutaasartoq 50 procentimik sakkortusineqartoq. Nick Hækkerupip ilisimatitsissutigaa, inatsisissatut siunnersuutip Inatsisartut upernaakkut ataatsimiinneranni suliarineqarnissaa pilersaarutaasoq kingusinnerusukkullu Folketingip ataatsimiinnerani suliarineqarnissaa pilersaarutaalluni.

Nutaaliorneq

Inatsisissatut siunnersuummi nutaamik atuutsitsisoqalersimasoq inatsimmut nassuiaammi allassimavoq.

- Siunnersuuteqarnermi pinerluttulerinermut inatsimmi nutaamik atuutsitsisoqalerpoq, tassa pinerluttulerinermut inatsimmi aalajangersakkamik unioqqutitsinermi pineqaatissiissutissap sakkortussusissaanut aatsaat erseqqinnerusumik malittarisassaqalerpoq kiisalu maanna inatsimmut sanilliullugu sakkortunerusumik pineqaatissiisoqartalissalluni, inatsisissamut nassuiaammi allassimavoq.

Erseqqissaassutigineqarpoq, eqqartuussiviit pisuni ataasiakkaani pinerluutigineqartup sakkortussusaa pinerluuteqartullu inuttut atugai eqqarsaatigalugit qanoq pineqaatissiissuteqartoqassanersoq aalajangertassagaat.

Immikkut 5 mio. koruuninik akeqassasoq

Inatsisinik atuutsitsinermut ministeeriaqarfiup inatsimmik allannguineq Pinerluuteqarsimasunik Isumaginnittoqarfimmut immikkut qanoq akeqartassanersoq nalilersorsimavaa.

- Ukiukitsunik kinguaassiuutitigut pinerluuteqarsimasut Nuummi isertitsivimmi katsorsarneqartarnerat aningaasartuutaanerulissaaq. Naatsorsuutigineqarpoq inatsisip atuutsinneqarlernerani pinerluuteqarsimasunik isumaginnittoqarfik ukiumut 5,0 mio. koruunit missaannik aningaasartuuteqartassasoq, inatsimmut nassuiaammi ilisimatitsissutigineqarpoq.

2019-imi Kalaallit Nunaanni innuttaasut 1.000-it akornanni qulit kinguaassiuutitigut pinerluuteqarsimasut nalunaarutigineqarsimapput. Piffissami pineqartumi Danmarkimi innuttaasut akornanni 0,9-t kinguaassiuutitigut pinerluuteqarsimasut nalunaarutigineqarsimallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER