Skip to main content

Inatsisinut Tunngaviusunut Isumalioqatigiissitaq naalakkersuisoqatigiinnik avissaartortitsivoq

Ane Hansenip isumalioqatigiissitami ingerlaannarnissaa Inuit Ataqatigiinnit kissaatigineqarsimangaluarpoq, amerlanerussuteqartunilli tunuarnissaa piumasarineqarsimavoq

Pingasunngormat Inatsisitinut Tunngaviusunut Isumasioqatigiissitap sulinini nangeqqippaa, tamannalu pivoq isumasioqatigiissitami kikkut ilaasortaasinnaanerannik kamanartumik assortuunneq pissutigalugu qaammatini marlunni suliumajunnaareersimallluni.

Isumaqatigiinngissuteqarneq qaangerneqarpoq januaarip 10-anni Naalakkersuisut ataatsimiinneranni, tamatumalu kingorna Vivian Motzfeldtip ippassaani ilaasortat Ane Hansen, Inuit Ataqatigiit, aamma Mala Høy Kúko, Siumut/siusinn. Atassut, inuulluaqquvai, tikilluaqqullugulu Debora Kleist, Inuit Ataqatigiinneersoq.

Isumasioqatigiissitami inissaq ataaseq inuttaqanngilaq, Atassutip Inatsisartuni sinniisoqalernissaata tungaanut. Aaqqiissuteqarnerli peqatigalugu Naalakkersuisuni avissaartuuttoqaqisoq takutinneqarpoq, Sermitsiaq allappoq.

Atuaruk: IA-p Dobora Kleist Tunngaviusumik inatsisissaq pillugu isumalioqatigiissitamut toqqarpaa

Ane Hansenip tunuarnissaa piumasarineqartoq

Inuit Ataqatigiit kissaatigisimavaat partiip isumasioqatigiissitami ilaasortaatitaa Ane Hansen ingerlaannassasoq, taanna Kommune Qeqertalimmi borgmesteritut atorfini isumaginiarlugu Inatsisartunit sulinngiffeqaraluartoq.

Siumulli piumasarisimavaa Ane Hansen anissasoq, taamaasilluni Inatsisinik Tunngaviusunik Isumasioqatigiissitaq Inatsisartunut ilaasortaannavinnik ilaasortaqassammat.

Atuaruk: Sukap isumalioqatigiissitami akerleriinneq aaqqiissuteqarfigaa

– Amerlanerussuteqartut aalajangiussaannut ikinnerussuteqartutut akerliulluta taasivugut, siulittaasoq Sara Olsvig oqarpoq, taassumalu amerlanerussuteqartut aalajangiinerat tusaatissatut tiguvaa.

Taavalu partiip Ane Hansen Debora Kleistimik taarserpaa.

– Neriuppugut taarsiineq tamanna siunissami ilaasortanik taarseeqattaarnermut aallarniutaassanngitsoq. Pisimasut kingulliit takutippaat Inatsisinut Tunngaviusunut Isumasioqatigiissamut ilaasortanik toqqaasarnerup eqqarsaatigilluagaanerusumik pisarnissa pisariaqartoq, Sara Olsvig oqarpoq

Allaaserisaq Sermitsiap sapaatip akunnerani saqqummersitaani tamakkerlugu atuaruk. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER