Skip to main content

Inatsisinik atuutsitsinermut ministerip Kalaallit Nunaanni pillaatissaatitaasut killinginik atuutsitsilernissaminut piareersimasoq

Suliani aalajangersimasuni pineqaatissiisarnerit sakkortunerulersinnaapput - tamanna Naalakkersuisut kissaatigippassuk.

Pineqaatissiissutigineqartartut sakkukippallaaqaat. Taama isummernerit oqallinnerni saqqummiunneqakkajupput, pingaartumik suliani kinguaassiutitigut kannguttaatsuliornerni, persuttaanerni toqutsinernilu. Kingullermik taama oqallittoqarpoq Nuummi umiatsiaatillit talittarfianni angut innarluutilik niaquatigut 94-eriarlugu tukertarneqarmat, kingornalu imaanut ajanneqarluni. Pineqaatissinneqartoq ukiuni arfineq-pingasuni pineqaatissinneqartut inissiisarfianniittussanngortinneqarpoq. Sakkukippallaaqaaq, allaaserisami atuartut arlallit taama allapput.

Ullumikkutulli itsillugu Kalaallit Nunaanni – Danmark assiginagu – inatsimmi pillaatissaatitaasut killilerneqarsimanngillat. Tassa imaappoq politikerit qinikkat pillaatissatut killiliussineq ajorput. Pineqaatissiisoqassatilluguli nunami eqqartuussisuunerup politimesterillu pineqaatissiissutissaq eqqartortarpaat.

Kalaallilli kissaatigippassuk, periuseq allanngortissallugu, inatsisinik atuutsitsinermut ministeri, Søren Pape Poulsen (K) piareersimavoq. Aaja Chemnitz Larsenip (IA) apeqquteqaataanut taama akissuteqarpoq.

- Maluginiarsimavara Naalakkersuisut inatsisinik atuutsitsinerup iluani periusissatut suliniutinullu pilersaarutiminni allassimagaat Kalaallit Nunaanni pineqaatissiisarnerup pitsaanerusumik aaqqissuunneqarnissaanut tunngatillugu oqallinnissaq piffissanngortoq, tassunga ilaatigullu pinerluttulerinermut inatsimmi pineqaatissiisarnermi killiliussinissaq, suliamilu Naalakkersuisut ataqatigiissaarissasut, inatsisinik atuutsitsinermut ministeri akissummini allappoq.

Søren Pape Poulsen (K) ilanngullugu allappoq suliniutinut pilersaarut pillugu, aammalu oqallittoqarnissaanut suliniummi, Naalakkersuisunik ataavartumik attaveqarami.

- Taamatut aaqqissuussinissaq Kalaallit Nunaannit kissaatisineqarpat, inatsisinik atuutsitsinermi ministeritut konservatiiviullunga, pinerluttulerinermi inatsimmi pineqaatissiisarnermi killiliussinissamut akornutaanavianngilanga.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER