Skip to main content

Inatsisartut: Kruse Danielsenilu sulinngiffeqarallalersut

Siumumi siulittaasup tullia Karl-Kristian Kruse aamma Inatsisartuni ilaasortaq Jens Danielsen (S) nappaammik pissuteqartumik sulinngiffeqarallassapput. Tunngaviusumik inatsisissaq pillugu Isumalioqatigiissitami siulittaasoq Ineqi Kielsen sinniisutut atuutilissasoq, KNR allappoq

Siumumi politikkerit Karl-Krisitan Kruse aamma Jens Danielsen Taakku peqqissutsimikkut peqquteqarlutik sulinngiffeqarallassasut, innuttaasunik kiffartuussivik KNR nittartakkamini allappoq.

Siullertut taaneqartoq sapaatip akunnerini sisamani sulinngiffeqarallassaaq, Danielsenili sapaatip akunnerini marlunni sulinngiffeqarallassalluni.

Mala Høy Kuko, qinigaaffimmi matumani arlaleriarluni sinniisutut issiaqataasarsimasoq Inatsisartunut ilaaleqqikkallassaaq, Tunngaviusumilli inatsisissaq pillugu Isumalioqatigiissitami siulittaasoq Ineqi Kielsen, kingullermik qinersisoqarmat 108-nik taaguunneqarsimasoq Jens Danielsenimut sinniisutut Inatsisartunut ilaalissalluni, KNR ilisimatitsivoq.

Partiip allattaata Miki Jensenip innuttaasunik kiffartuussivimmut itisilerlugu oqaatigerusussimanngilaa, Siumumi politikkerit suna pissutigalugu sulinngiffeqarallarniarnersut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER