Skip to main content

Inatsisartut: IA ajugaarujussuarpoq

IA Inatsisartunut qinersinermi angusarissaarluarpoq partiillu siulittaasuanit Múte B. Egedemit, qinersinermi taaguunneqarnerpaasumit, siulersorneqarluarluni taasinerit 37 procentiinik pissarsilluni.

Qinersivinnit 72-init 71-it kisitsivigineqareerneranni nalorninartueruppoq. Siumup pissaaneq iperartariaqalerpaa IA-millu qaangerneqarnini nassuerutigisariaqalerlugu, IA-lu taamaalilluni Namminersorluni Oqartussaanerup oqaluttuarisaanerani naalakkersuisunngortitsiniarnissami kingumut aappassaa isumaqatigiinniarnerni siuttooqqittussanngorluni.

Siumup procentinngorlugu 29 procentinut siuariaateqarnera naammanngilaq, partiillu siulittaasuata Erik Jensenip partiip iluani Kim Kielsenimit, inuttut taaguunneqarnerusumit, ajorsartinneqarnini nassuerutigisariaqalerpaa.

Demokraatit affaannanngortut

Naleraq qinigaalluarpoq taasinerillu 12 procentiinik pissarsilluni, Demokraatit taasinerit taamaallaat 9procentiinik pissarsisut taamalu qinersinermi ajorsarujussuarlutik, partii affaannanngormat.

Nunatta Qitornai aamma Suleqatigiissitsisut qinigaaqqinngitsoorput taasinerillu taamaallaat 2 aamma 1 procentiinik pissarsillutik.

Atassut taasinerit 7 procentiinik pissarsivoq taamaalillunilu 2018-imi qinersinermut sanilliullugu allannguuteqarani.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER