Inatsisartut soraarnerussutisiaqarnissamut aaqqissuussaq pissakinnerusunik eqquissasoq ilisimasimavaat
Soraarnerussutisiaqarnissamut aaqqissuussinermut pinngitsoorani ilaanissamik siunnersuut Inatsisartuni suliarineqarmat kinguneqaatissat pillugit politikkerit mianersoqquneqarsimapput
Soraarnerussutisiaqarnissamut aaqqissuussamut pinngitsoorani ilaanissamik siunnersuut Inatsisartuni suli akuerineqanngitsoq, Grønlandsbanken aamma Inuussutissarsiornermut, Suliffeqarnermut Niuernermullu Naalakkersuisoqarfik erseqqilluinnartumik mianersoqqusisimapput.
Aviisi Sermitsiaq allappoq.
Aningaaserivik naalakkersuisoqarfillu tusarniaanermut akissumminni allassimapput, tamanna pingaartumik pissakinnerit akiliisinnaasusaannut eqquissasoq. Aamma Aningaasaqarnermut Ataatsimiititaliap ajornartorsiut pineqartoq maluginiarsimavaa.
- Ataatsimiititalip immikkut maluginiarsimavaa, Grønlandsvbanken aamma Inuussutissarsiornermut, Suliffeqarnermut Niuernermullu Naalakkersuisoqarfik tusarniaanermut akissumminni allassimasut, siunnersuut isertitakinnerit pisariaqartitanik pisiaqarsinnaanerannut ajortumik sunniuteqassasoq. Tamatuma malitsigisaanik ilaatigut niuernermi kaaviiaartitsineq appassaaq, ilaatigullu isumaginninnermi aningaasartuuteqarnerulersoqarluni, Aningaasaqarnermut Ataatsimiititaliaq ilassutitut isumaliutissiissummini allappoq.
Per Rosing Petersen taamanikkut attaviitsuusoq kisiartaalluni siunnersuummut akerliusimavoq.
Soraarnerussutisiaqarnissamut aaqqissuussamut tunngatillugu ajornartorsiutit aviisimi Sermitsiami itisilernernerullugit allaaserineqarsimasut atuarsinnaavatit: