Inatsisartut it-mut tunngatillugu paatsiveerutinnginnerarput, piffissaliussamilli allannguillutik
Inatsisartut aappaatigut isumaqarput, qarasaasianut attaveqaatinik allanngortitsineq ajunngitsumik ingerlasimammat it-mut tunngatillugu paatsiveeruttoqarsimanngitsoq. Taamaakkaluartoq Upernaaru ataatsimiittoqarnissaanut partiit suliassaatiminnik tunniussiffissaat kinguartinniarneqarpoq
Inatsisartut pilersaarutigisimavaat, sapaammi martsip arfineq-pingajuanni ualikkut tallimanut it-mut attaveqaatinik allanngortitsinissaq, ulloq taanna naammassineqartussatut naatsorsuutigalugu.
Pilersaaruli malillugu pisoqanngilaq.
- Emailit tigunissaat nassiunnissaallu ajornartorsiutaasoq ataasinngornermi ulloq 9. marts paasineqarpoq, tamatumalu aaqqiiviginissaa ingerlaannartumik sulissutigineqalerpoq marlunngornermilu ullaap tungaa aaqqinneqarluni, Inatsisartut Siulittaasoqarfia tusagassiorfinnut nalunaaruteqarnermi ilisimatitsivoq, oqaatigalugulu partiit paasissutissanik avitseqateqarnissamut allatigut periarfissaqartut.
Ajutoornermiit paatsiveerunnermut
Ilanngutassiaq “Inatsisartuni IT-mut tunngatillugu paatsiveeruttoqartoq” aqqutigalugu politikkeri ataaseq oqaluttuarpoq mailinut atortorissaarutit ajoquteqarneranni qanoq ajornartorsiutaatigisimanera pillugu.
Inatsiartut it-kkut ajutoorneq, sooq it-kkut paatsiveerunninngortissimanerpaat, tamatumalu naqqiissutigineqartariqarnera erseqqissaassutiginangu.
It-kkulli unammilligassat ima annertugigisimapput, allaat Inatsisartuni aqutsisut aalajangersimallutik, oqaluuserisassanngortikkusutat tunniunneqarnissaannut piffissaliussaq, tassalu tallimanngorneq martsip 13-iani ullup qeqqanut allanngortinneqartariaqarsimalluni marlunngornermut martsip 17-iani ullup qeqqanut.
- … allanngortitsinerup akornutaasimasinnaanera iliuuseqarfigiumallugu, siulittaasoqarfimmit nassuiaatigineqarpoq.