Inatsisartut immikkut ittumik ataatsimiissasut

Inatsisartut Siulittaasoqarfia aalajangersimavoq, Inatsisartut ulluni marlunni immikkut ittumik ataatsimiissasut.

Naalakkersuisut qinnuteqarnerisigut Inatsisartut Siulittaasoqarfiata aalajangersimavaa, Inatsisartut ullunik marlunnik sivisussusilimmik immikkut ittumik ataatsimiissasut.

- Immikkut ittumik ataatsimiinnermi ulloq siulleq aallartissaaq marlunngornermi 3. maj nal. 11.00, ullullu ataatsimiiffiusut aapparissallugu tallimanngorneq 7. maj, aamma nal. 11.00 aallartilttussaq, Inatsisartut Siulittaasuata Hans Enoksenip tusagassiorfinnut nalunaarutaani allassimavoq.

Ullumi Inatsisartut inissisitertillutik ataatsimiinneranni pisoqaqaaq. Aningaasaqarnermut Akileraartarnermullu Ataatsimiititaliami ilaasortassanik partiit toqqaalermata, ilaasortassatut innersuunneqartut akuersissutigineqannginneranni Siumumi ilaasortat arlallit oqaaseqarput.

Tamatuma kingorna Siumukkormiut Demokraatikkormiullu akerliullutik inersuarmit aniapput, qinikkap ataatsip peqqarniitsumik pissusilersornera inuit attaveqaqatigiittarfiisigut saqqummiunneqartoq pillugu partiit Naalakkersuisut isummertinniaraluarlugit iluatsitsinnginnamik aniasimagamik.

Powered by Labrador CMS