Skip to main content

Inatsisartut illutaa iluarsaanneqassasoq

Inatsisartut Siulittaasoqarfianit oqaatigineqarpoq, Inatsisartut illutaa iluarsaanneqartariaqartoq. Taamatut nalunaaruteqartoqarpoq, Tillie Martinussenip (SAM) illumiinnermini sapigaqartutut qisuartarnini oqaatigimmagu.

Inatsisartut illutaa iluarsaanneqassaaq.

Inatsisartut siulittaasuat Vivian Motzfeldt tusagassiorfinnut nalunaaruteqarluni allappoq. 

Inatsisartuni ilaasortap Tillie Martinussenip (SAM) qanittukkut nassuiaatigaa, sapigaqartuulluni Inatsisartullu illutaata oqoqarnera PCB-qarneralu pissutigalugit ajornerulertarluni.

Tillie Martinussenip sapigaqarnini pissutigalugu ilaatigut kiinakkut suliartittarnermut atatillugu partiimut tapiissutinik atornerluisimasutut unnerluutigineqarnerminut atatillugu taamatut nassuiaateqarsimavoq.

Oqoqanngitsoq

Taamatullu nassuiaateqarsimanerata malitsigisaanik siulittaasoqarfik imatut allappoq:

- Inatsisartuni illutatigut avatangiisit aammalu Inatsisartuniilluni peqqissutsikkut ulorianartorsiortoqarsinnaanera pillugit tusagassiorfinni oqaatigineqartut isumakulunnarsinnaasut erseqqissaaviginissaat Siulittaasoqarfimmit tunngavissaqartinneqarpoq.

Vivian Motzfeldtip oqaatigaa illu oqoqanngitsoq.

- Taamaalillunilu misissuinerni Inatsisartuni oqoqarneranik paasisaqartoqanngilaq. Illorsuulli ilaata politeeqarfimmut atasup silataani iikkat iluarsaannissaat pilersaarutaavoq, tamatumunnga silataani iikkat pisoqqat igalaallu ussissaataanni PCB-eqarneranik uuttortaaneq tunngaviulluni, Vivian Motzfeldt oqarpoq.

Ullutsinnut naleqqukkunaarsimasut

Iluarsaanneqartussat tassaapput inimi allermi Demokraatit Partii Naleqqallu allaffii taakkulu allatseqarfii, Inuit Ataqatigiit ilaasortaat amerlanngitsut aatsisartoqarfik kiisalu inimi qullermiittut Inatsisartut Siulittaasuata kiisalu allattoqarfiup sulisuisa ilaasa allaffii.

Illorsuup ajoqutitaasa saniatigut illutatigut avatangiisit nutarterneqartariaqartut, siulittaasoqarfik isumaqarpoq. 

- Taamaalillunilu illutatigut avatangiisit ullutsinnut naleqqukkunnaarsimapput – tamatumani sulisut ilaasortalluunniit imaluunniit innuttaasut isersinnaanerat eqqarsaatigalugu – aammalu suliffeqarfiup isumassarsiornartuunissaanik imaluunniit oqartussaaqataanermi isumassarsiorfissatut akuutitsiffiusutullu katersuuffittut ullutsinni piumasaqaatinut naapertuukkunnaarsimalluni, Vivian Motzfeldt oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER