Skip to main content

Inatsisartut ataatsimiinnerannit aallakaatitsisarnerit unitsippai

Inatsisartut oqallinnerannit radiokut toqqaannartumik aallakaatitsisarnini KNR-p unitsippaa

Qupalorarsuit upernalerneranut takussutissatut qularnaatsigisumik politikerit takisoorsuarmik oqallittarneri KNR Radiokut aallakaatinneqartarput.

Ukioq mannali allaanerussaaq, tusagassiornermik ingerlatsivik oqarpoq.

Taarsiullugu oqallinnernik soqutiginnittut radiokut toqqaannartumik aallakaatitsinerit tv-kut naalaartalissavaat.

Ataatsimiittarnerit allanngortut

Inatsisartut upernaakkut ataatsimiinnerannit aallakaatitsinerit taamaallaat tv-mi kanaalikkut KNR2-kut aallakaatinneqartalissapput, oqallinnernit amerlasuutigut akunnerpassuarnik sivisussusilinnit radiokut aallakaatitsisarnernut taarsiullugu radiokut aallakaatitanut amerlanerusunut inissaqaqqullugu.

Tamatumunnga pissutaavoq Inatsisartuni sulinerit allanngorsimanerat, KNR oqarpoq.

– Inatsisartut marsimi nalunaarfigaatigut upernaakkut ataatsimiinnermi piffissat allanngortinneqassasut, taamaasilluni nalunaaqutaq 10 aamma 14 akornanni ingerlanneqartassllutik. Tamanna pissutigalugu KNR-p upernaakkut ataatsimiinneq tamaat aallakaatitsisarnissaminik pilersaarunni allanngortissavai, ataatsimiinnerit radiokut aallakaatittassagutsigik, pisortanngorlaaq Karl-Henrik Simonsen oqarpoq.

– Taama sivikitsigisumik piffissaqarluta taamaasiorsinnaasimanngilagut.

Immaqa tamatiguunngitsoq

Taassuma erseqqissarpaa siunertaajuaannarsimasoq ataatsimiinnerit KNR-p tv-mi kanaaliata aappaani, KNR2-mi, aallakaatinneqartarnissaat.

Immaqali pilersaarut nutaaq KNR-p allanngortittarsinnaavaa.

– Ataatsimiinnerit KNR2-kut naalaarneqarlutillu isiginnaarneqarsinnaapput. Siunertaajuaannarsimagaluarpormi ataatsimiinnerit pingaartumik KNR2-kut aallakaatinneqartarnissaat. Maannalu taamaasiulerpugut. Immikkut pingaarutilinnik oqallittoqassatillugu soorunami aaqqissuisoqarfimmi nalilertassavarput oqallinnerit KNR Radiokut aallakaatinneqassanersut.

Fjernsyneqanngikkuit oqallinnerit Inatsisartut nittartagaannit toqqaannartumik streamersinnaavatit.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER