Skip to main content

Inatsisartut Aslak Jensenip eqqartuussisulersuunneqarsinnaannginnera isummerfigissavaat

Inatsisartuni ilaasortaq inatsisartut akuersitinnagit eqqartuussisulersuunneqarsinnaanngilaq, eqqartuussivimmullu sassartitsisoqartinnagu tamanna Inatsisartut atorunnaarseqqaartussaavaat.

Kent Fridberg Inatsisartut Allattoqarfiani sulisoq naapertorlugu, inatsisartuni ilaasortat eqqartuussisulersuunneqarsinnaanngillat, tamannami Inatsisartut kisimik atorunnaarsissinnaavaat.

Tassa unnerluussisussaatitaasut inatsisartuni ilaasortamik unnerluutiginnisappata Inatsisartut akuersissuteqartussaapput.

Aslak Jensen (S) Inatsisartuni ilaasortaavoq, Kommuneqarfik Sermersuullu isumaginnittoqarfiani sulisumik toqutsinissamik sioorasaarisimasutut unnerluunneqarsimalluni. Taanna pinngitsuunerarpoq.

Inatsisartuni ilaasortat eqqartuussisulersuunneqarsinnaannginnerat pillugu aalajangersakkat tunngaviusumik inatsimmi allassimapput, aalajangersakkallu qangarnisaapput, taakku atuutsinneqalersimapput illuatungiliuttutut politikkerit pissaaneqartunut illersorniarlugit:

- Inatsisartuni ilaasortat inatsimmut ilaatinneqannginnerat matumani pineqanngilaq, ullumikkullu inatsiartuni ilaasortat eqqartuussisulersuunneqarsinnaannginnerisa atorunnaarsinneqarnissaat Inatsisartut akuersissutigisussaavaat, Kent Fridberg oqaluttuarpoq. 

Ulluni ataatsimiiffiusuni siullerni suliarineqarnissaa naatsorsuutigineqartoq

Taassuma uppernarsarpaa, Inatsisartuni ilaasortamut unnerluussutip attatiinnarneqarnissaa pillugu Justitsministeeriaqarfimmit qinnuteqaammik Inatsisartut Allattoqarfiat tigusaqarsimasoq, tassa suliap eqqartuussivimmi suliarineqarnissaa anguniarlugu.

Kent Fridbergip naatsorsuutigaa, Justitsministeeriaqarfiup qinnuteqaataa, Inatsisartut ukiakkut ataatsimiinneranni, septembarip 24-ani aallartittussami, ullut siulliit ingerlaneranni Inatsisartut isummerfigissagaat.

Inatsiartut Siulittaasoqarfiat ataatsimiinnerup ingerlanneqarnerani oqaluuserisassanik aaqqissuussisarpoq, matumanilu suliap qaqugu oqaluuserineqarumaarnera aalajangiiffigissallugu.

Ataasinngormat oqaluttuaraarput, Aslak Jensen aggustip 17-ani eqqartuussivimmut sassartinneqarniartoq, Kent Fridbergilli oqaluttuaraa, eqqartuussinissaq unitsikkallarneqarsimasoq, aatsaallu Inatsisartut akuersippata ingerlanneqarsinnaasoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER