Inatsisartunut qinersisoqassappat qinersinissaq kommunimut qinersisoqarnissaanut atatillugu unammillernarsinnaasoq
Ukiuunerani ataatsimiinneq aqangu aallartippat ikinnerussuteqarlutik naalakkersuisooqatigiit tatigiunnaarneqarnerisigut qinersisoqarnissaa aalajangiunneqassappat, innuttaasut ullualunnguanik akunnilimmik qinersissapput.
Inatsisartunut qinersisoqarnissaa aalajangiunneqaraangat qinersisoqarnissaanut nalinginnaasumik sapaatip akunneri tallimat arfinillillu ingerlasarput, qinersisoqarnissaanullu aalajangiisoqassappat ulloq qinersiviusussaq qularnanngitsumik tassaassaaq marlunngorneq martsip 23-at imaluunniit marlunngorneq martsip 30-at.
Qinersisoqarnissaanik aalajangertoqarneranit minnerpaamik sapaatip akunnerisa arfinillit qaangiunnerani qinersinissamut pisortatigoortumik imatut malittarisassaqanngilaq, Inatsisartut Allattoqarfianit erseqqissaatigineqarpoq.
Kommuninut qinersisoqarnerata qanittuaniissasoq
Pissutsilli arlallit apeqqutaassapput, tamakkulu apeqqutaatillugit påskep nalaani qinersisoqaratarsinnaavoq, taamalu kommunimut qineqqusaartoqarnissaanut sunniuteqarsinnaalluni.
Inatsisartut Allattoqarfianit malittassat uku saqqummiunneqarput:
Ulloq qinersiviussaq minnerpaamik sapaatip akunnerinik pingasunik sioqqullugu partiit qinigassanngortitamik allattorsimaffiat nassiutissavaat.
Tamatuma kingornat Qinigaanerup Misilinneqarnissaanut Ataatsimiititaliap qinigassanngortittut qinigassanngortinnissamut piumasaqaatinik naammassinnissimanersut misissussavai.
Qinersivissat suliarineqassapput, taakku nunami sumiiffinnut tamanut agguaanneqassallutik.
- Isumaqarpugut tamatuma sapaatip akunnerinik tallimanik arfinilinnilluunniit sivikinnerusumik qinersinissamut piffissaliinissaq ajornakusoortissagaa, Inatsisartut Allattoqarfianit Sermitsiaq.AG-mut oqaatigineqarpoq.
Piareersarnissaq
- Aamma partiit qinersisoqarnissaanut piareersarnissamut qinersinissamullu piffissaqartussaapput, allattoqarfimmit oqaatigineqarpoq.
Påskeriitsiarnerani- apriilip arfernani kommunit qinersisoqarnissaa aalajangiunneqareernikuuvoq.