Skip to main content

Inatsisartunut ilaasortaq eqqartuussivimmi sassartinneqalersoq

Aslak Jensen, Siumut sinnerlugu Inatsisartunut ilaasortaq, ukiut sisamat matuma siorna inatsimmik unioqqutitsisimanini pillugu eqqartuussivimmi sassartinneqartussanngorpoq.

Aslak Jensen Sermersuup eqqartuussiviani 17. august 2021 sassartinneqartussanngorpoq. Unnerluussutigineqarpoq pinerluttulerinermi inatsimmi §37 unioqqutissimagaa.

Pinerluttulerinermi inatsimmi §37 ima allassimavoq:

Pisortat oqartussaatitaannik narrunarsaasutut eqqartuunneqassaaq kinaluunniit nakuuserluni imaluunniit nakuusernissamik sioorasaaraluni imaluunniit asissuilluni, oqaasipilulluni imaluunniit allatut ajuallaataasumik oqalulluni saassussisoq inummik, pisortani kiffartuumminik imaluunniit suliassaminik imaluunniit tamakkununnga atatitamik suliaqartilluni iliuuseqarnissaminut pisussaaffeqartumik.

Nalunaarutiginninneq pisimassaaq Aslak Jensenip politikkimik suliaqalernera sioqqutingaatsiarlugu. Jensen Inatsisartunut aprilimi ilaasortanngorpoq, 814-init taaneqarsimalluni. Taamaasilluni partiimini Siumumi taaneqarnerpaat pingajuulluni. Suliaq nalunaarutigineqartoq martsimi 2017-imi pivoq.

Inuunermik siorasaarineq

Aslak Jensen unnerluussut naapertorlugu Nuummi inunnik isumaginnittoqarfimmut 17. marts 2017-imi nalunaaqutaq 12.-45 sianersimanerarneqarpoq, sulisumillu siorasaarerpalaartumik nipeqarluni oqaluussisimanerangaalluni.

-…inunnik isumaginnittoqarfimmut sia nerami, tassanilu socialforsorgsmedarbejder ilaatigut oqaluffigalugu "Ilissi politeersuillu toqorassuassi” aammalu "Kinaanerit ujartussuakkit. Utaqqilaarit toqussuakkit” assigisaanilluunniit, taamaa lilluni inuuneranik, pegginneranik atugarissaarneranillu annertuumik ersiortilerlugu, unnerluussut Sermitsiaq.AG-p allagaatinik takunnissinnaaneq malillugu pissarsiarisimasaani nassuiarneqarpoq.

Unnerluussisussaatitaasup suliami piumasaraa unnerluunneqartoq ulluni 30-ni inissiisarfimmiittussanngortitsineq.

Sermitsiaq.AG-p Aslak Jensen illersuisusalu oqaaseqartikkumallugit pissarsiariniarsimagaluarpai. Taakkuli saaffiginnissutinut suli uterfiginninngillat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER