tapiissutit
Inatsisartunut akerliulluni atsiornernik katersineq nutaaq
Partiinut tapiisutit qaffanneqassanngillat, Inatsisartunut taama kajumissaarisoqarpoq.
Partiinut tapiissutit qaffanneqarnissaannut akerliulluni atsiornernik katersineq aallartippoq.
Siunnersuut ima nipaqarpoq , partiinut tapiissutigineqartartut 30 procentimik qaffassasut januaarip aallaqqaataa 2018 aallarnerfigalugu. Tassungalu qaffaanissamut annertuumut peqqutigineqarpoq partinut tapiissutit 2006-mili qaffanneqarsimannginnerat.
Atsiornernik katersinerup siunertaraa siunnersuutip unitsinneqarnissaa.
Aamma atuaruk: Naalakkersuinermik sulinermut tapiissutinik millioninik qaffaaneq
- Eqqumiikkaluaqaaq, kisiannili nunatsinni partiit amerlanersaat aningaaasanik taarsigassaqarlutik inissisimapput. Taamaattumik partiinut tapiissutinik qaffaasoqassappat partiit iluanaartussaapput, aningaasallu uagut innuttaasut akileraarutitsinniit aaneqarnissaaat akuersaaginnassavarput? Naamik! Taama atsiornernik katersinermi ilaanni oqaatigineqarpoq. (una tooruk atsioqataaniarlutit)
Qaammat kingulleq assingusumik atsiortitsisoqaqattaarppq, tassani inatsisartut ilaqutaasa angalanerisa akiliuttalernissaannut akerliunermik tunngaveqarpoq.
Siunnersuut taanna atsiortitsisoqareermat tunuartinneqarpoq.
Kajumissaarut maanna ima nipaqarpoq:
- Nilliaqatigisinga! Paartinut tapiissutit naamik!
Atuaruk: Atsiortitsisoq nuannaarpoq: Inuiaqatigiit ajugaapput!