ileqquulersoq

Inatsisartuni qilaatersorneq

Inatsisartut siulittaasoqarfiat isumaqatigiissoq aalajangerpoq Nunatta inatsisiliortuini ileqqoq nutaaq eqqunneqassasoq. Tassalu Inatsisartut ukiuata aallartinnerani qilaatersortarneq

Leif Saandvig Immanuelsen arlaleriarluni oqaluffimmi qilaatersortareerpoq. Qilaatersorfissaq tulleq tassaavoqInatsisartut ataatsimiinnerisa ammaanersiornera.

Inatsisartuni oqallinnerup oqallinnerup tusarniippallaannginnissaa Guutip oqaasiinit qulakkeerneqarsinnaanngippat taava iliortoqassava?

Nipilersortartoq tamatigoortoq Leif Saandvig Immanuelsenip tamatumunnga siunnersuutigaa qilaatersorneq. Siunnersuullu Inatsisartut siulittaasoqarfiannit ilalerneqarpoq, maannalu ileqquulersussamut maleruagassiornissaq suliarissavaat, tamatuma Inatsisartut ukiaanerani ataatsimiinneranni atuutilinnginnerani.

Inatsisartut ataatsimiittarfianni qilaatersortoqartalernissaanik siunnersuut Leif Saandvig Immanuelsenip siorna novemberimi tunniuppaa taamanikkut Inatsisartut ataatsimiinneranni illuatungeriit isumaqatigiinngileruttortut.

- Siunnersuut suliarigakku Inatsisartut ataatsimiinnerisa ammaanersiortarnerat eqqarsaatinnippoq. Tassani persuarsiorlutik ingerlaqatigiissinnarlutik naalagiartarput, taamalu Inatsisartuni ilaasortat Guutip oqaasiinik pilluaqquneqartarlutik.

- Naalagiarnermiilli nalunaaquttap akunneri arlaqanngitsut qaangiutiinnartut illuatungeriit imminnut saassutarilersarput ilaatigut inunnik ataasiakkaanik malersuinermut eqqaanarsinnaasumik pissusilersorlutik. Pissutsit taamaannerat nukillalaarnangaarami quinannaannangajapporluunniit, Leif Saandvig Immanuelsen AG-mut oqarpoq.

Allaaserisaq tamaat AG-mi atuaruk, taanna ullumi pisiniarfinni pisiarisinnaalerpat. Aviisi uani aamma pisiarinissaanut periarfissaqarputit:

Powered by Labrador CMS