Immiorfik Filipinerinut tuniniaassaaq

Filipinerit Godthåb Bryghusimit immiaaqqat Bâja-mik Umímak-milluunniit taaguutillit – filipinerisut atserneqanngippata – sungiunniarsarilissavaat.

HECA Nuuk A/S Manilami suliffeqarfik nutaaqqinnaamut niuernermi
isumaqatigiissummik atsioqateqarpoq.

Nunami 100 millioninik innuttaasulimmi immiaaqqanik nioqquteqalernissaq siunertaavoq.

- Suliffeqarfik, Filippinerinit saqqummiussisussarput,
imerniartarfiit akisunerit kisiisa, hotelit resortsillu tallimanik ullorialinni immikkut pisiniarfinneersuussaaq, Nicolai J Nissen HECA Nuuk A/S-imiit tusagassiuutinut nalunaarummi allappoq.

Siullermik kalaallit immiaat pineqarpoq, kisiannili isumaqatigiissummi aamma ilaatinneqarpoq imeruersaatit assigiinngitsut allat, maannangaaq sukumiinerusumik nassuiaaffigisinnaanngisamiippoq.

Immikkut ittumik isumaqatigiissusiortoqarpoq nioqqutissanik eqqussuisumut nutaamut, Filippinerini tunisassiornissamut inerisaasunissamut takussutissiornissamullu periarfissaqartussaq. SHIBUI ENTERPRISES pilersinneqarlaaq, Asiami imeruersaatinik tunisassiornermi niuernermillu misilittagaqarluartumik pisortaqartoq.

- 40” containeri siulleq kalaallit immiaannik imaqartut Filippinerinut
inniminnerneqarput, maanilu Nuummi tunisassiorneq aallartipparput, Nicolai J Nissen allappoq.

Godthåb Bryghusip immiaaraatai Islandip pisiniarfiini pisiassaapput. Kina anguniakkami tulliuvoq.