Skip to main content

Imminut toquttarnermut pinaveersaartitsinermut suliniut nutaaq

Kommuneqarfik Sermersuumit suliniutigineqartoq meeqqat inuusuttuaqqallu tatitussusaannik inuunermullu sapiissuseqarnerannik pitsanngorsaassaaq taamatullu ulluinnarni naapittagassanut angisuunut annikinnernullu – pingaartumik inuuneq erloqinarsigaangat – iluaqutissatut atussaaq

Tatitussuseq inuunermut pitsaasumut tunngaviuvoq. Taamaattumillu misiliutitut suliniut 'Tatitussusermik' taaguuserneqarsimavoq Nunatsinni meeqqat inuusuttuaqqallu toqqissisimasumik, atugarissaarlutik imminnullu naleqartillutik inuunissaannut pilersitseqatasussaq.

Kommuneqarfik Sermersuup siunertaasa ilagaat imminut toquttarnerup pinaveersaartinneqarnissaa suliniutillu Tatitussutsip tamannarpiaq isumagissavaa.

Kommunip nittartakkamini tamanna allappaa.

Meeqqanut inuusuttunullu
Suliniut Tatitussuseq tassaavoq meeqqat atuarfianni atuartut neriuutaarunnermi nukissaarunnermilu qaangiinissaannut sakkussanik tunisisussaq – taamaalillutik atuartut ulluinnarni unammilligassanut, pitsaasunik aalajangiinissanut, assortuunnernik uisakajaarnermillu aaqqiinissanut atortussaqalissapput.

Iluaqutit
Atortussat tamanit atorneqarsinnaapput matumanili meeqqat atuarfianni akullerni Tatitussuseq ilanngutsinniarneqarnera immikkut isiginiarneqarpoq. Aamma pilersaarutaavoq atortussat atuartunit anginerulaanit atorneqarnissaat – tassani imminut toquttarnermik pinaveersaarinermi annermik atorneqassallutik.

Suliniut suliarineqarpoq Kommuneqarfik Sermersooq aamma Peqqissutsimut Naalakkersuisoqarfik suleqatigiillutik aaqqissuisut tassaallutik Poul Lundgaard Bak aamma Karen Wistoft.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER