Skip to main content

Imminut toquttarnermik pinaveersaartitsineq: Periusissiaq nutaaq saqqummiunneqassaaq

Imminut toquttarnerpassuit, ukiuni arlalinni akiorniaraluarlugit suli amerlaqisut, pitsaaliorniarlugit namminersorlutik oqartussat periusissiamik nutaamik pilersaarusiorput

Imminut toquttarnerit ikilisarniarnerat suli iluatsissimanngilaq, tassa alianaraluartumik imminut toquttartut ukiumut suli 50-it missaanniittarmata.

Taamaattumik Naalakkersuisut akuersissutigeqqammerpaat imminut toquttarneq pinaveersaartinniarlugu nuna taamakkerlugu periusissiamik nutaamik suliaqartoqassasoq, periusissiap 2013-imiit 2019-imut atuuttup taartissaanik. Taamanikkut Steen Lynge peqqissutsimut naalakkersuisuuvoq, periusissiallu siulequtaani allappoq neriuutigalugu imminut toquttarnerit toqoriartarnerillu ikiliumaartut, aviisi AG allappoq.

Ilisimaneqartutut tamanna suli pisimanngilaq, maannalu paasiniarneqassaaq periusissiami manna tikillugu atuuttumi suliniutit suut ingerlateqqinneqarsinnaanermut, atortussallu nutaat suut atorneqalersinnaanersut. Taamatut paasissutissiivoq Tina Evaldsen, taannalu pinaveersaartitsinermut peqqissutsimullu aqutsisoqarfimmi peqqissutsimut siunnersortaavoq.

Meeraanermit ulorianartorsiortitsisut

- Suli piviusumik pisoqanngilaq, aatsaat aallartisaleruttorpugut, Tina Evaldsen oqarpoq.

Taanna paasissutissiivoq suliami ingerlanneqartussami ilaatigut ilaatigut periutsit sumiiffinni iluaqutaasimasut tusarniarneqassasut, assersuutigalugu kommunini ataasiakkaani.

Tamatuma saniatigut periusissiatoqqami immikkoortut ilaat ingerlateqqinneqartussatut aalajangiunneqareersimapput. Tassaapput kommunini, peqqinnissaqarfimmi politiinilu sulisunik ilisimasalinnik pikkorissartitsisarnerit. Imminut toqunniartut pissusilersortarnerannut paasissutissanik ilinniartinneqassapput, imminullu toqunniartut qanoq ulorianartorsiortiginerisa nalilernissaanut atortussanik tunineqassapput aammalu imminut toqunnissaq pinaveersaartinniarlugu oqaloqatiginnittassallutik.

Ilisimatusarnerup takutissimavaa meeraanermi atornerlunneqartarneq, angerlarsimaffimmi nakuusertarneq meeraallunilu angerlarsimaffimmi imigassamik atornerluineq imminut toqunnissamut ulorianartorsiortitsisartut.

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER