isumaqatigiinniarnerit
Immikkut Qanorooq aallakaatinneqalersoq
Immikkut Qanorooq nalunaaqutaq 15.55 aallakaatinneqassaaq. Taama KNR nalunaaruteqarpoq
Sermitsiaq.Ag allaasereriigaatut naalakkersuisooqatigiinniarluni isumaqatigiinniarnerit immaqa inissereersimapput.
KNR sisamanngornermi siusinnerusukkut allappoq Siumumi siulersuisuini ilaasortap, Mikael Petersenip, oqaatigisimagaa Siumumi siulersuisuunerit nalunaaqutaq marluniit naapittut.
Paasissutissat Sermitsiaq.AG-p pissarsiarisai, kisianni suli qulakkeerneqanngitsut, najoqqutaralugit partiit siulittaasui sisamanut Siumumik ataatsimeeqateqaqqinniarput.
Maannalu KNR nalunaaruteqarpoq Immikkut Qanorooq nalunaaqutaq 15.55 aallakaatinneqassasoq partiit siulittaasuisa sisamanut naapinnissaat sioqqullugu.
Sermitsiaq.AG isumaqatigiinniarnerit ineriartorneranut qanittumik malinnaavoq.
Atuaruk: Naalakkersuisooqatigiinnissamik isumaqatigiinninniartut ataatsimeeqatigiit tupaallannartut