Skip to main content

Immikkut ilisimatusarsimasoq: Qallunaat oqaasii sulinermi oqaasiuppata oqaatsinik pinnguarsinnaaneq tammartartoq

Kalaallit tusagassiortut paasisassarsiornerminni apersuinerminnilu oqaatsinik arlalinnik atuisinnaanertik atortarpaat, qallunaalli oqaasii aqutsisunngorajuttarput tamatumalu kinguneranik oqariaatsit immikkut ittut aamma assersuusiortarnerit atorneqarunnaartarlutik

Naimah Hussainip Ph.d.-ngorniutigalugu allaaserisani ”Inuiaqatigiinni inukitsuni tusagassioriaaseq – kalaallit tusagassiorfiini tusagassiornermik suliaqarnermik misissuineq” tallimanngornermi marsip 29-anni Roskilde Universitetimi illersorpaa. 

Taanna KNR-imi siornatigut tusagassiortuuvoq tusagassiornermillu ilinniarfimmi ilinniartitsisuusimalluni. Ph.d-ngorniutini Ilisimatusarfimmi oqalugiaatigiartorlugu aamma TP-mut, tassa Tusagassiuinermi Sulisut Peqatigiiffianni ilaasortanut isummersoqatigiissitsiartorluni ulluni makkunani Nuummiippoq, Sermitsiaq allappoq.

Kapitalimi 'Kalaallit tusagassiortarneranni oqaatsitigut akunnattoorutit'-ni inerniliullugu oqaatigaa, qallunaat oqaasii aalajangiisunngortartut, aamma oqaatsit marlussuit atorlugit tusagassiornermi nutserinerit Nunatsinni tusagassiornermi tunngaviusutut atugassarititaasut.     

- Ullup suliffiup ingerlanerani tusagassiortut arlariinnik oqaasillit paasisassarsiornerminni apersuinerminnilu oqaatsinik arlariinnik atuisinnaanertik atortarpaat, ataatsimiinnernili aaqqissuisunillu siunersiueqateqarnerminni qallunaat oqaasii atortariaqartarlugit. Tamatumani tusagassiortut ilaanneeriarlutik piareersagaanngitsumik aaqqissuisumut nutserisariaqartarput, taassuma taamaalilluni isummersorfigisinnaaniassammatik. Tassa piviusumi qallunaat oqaasii sulinermi oqaasiupput, immikkuualuttulli ilaatinneqarnissaat pingaaruteqarluni, Naimah Hussain oqaatsit pillugit inerniliussamini taama allappoq.  

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER