Skip to main content

Immikkut ilisimasallit avataaneersut aatsitassarsiorneq siuarsassavaat

Aatsitassanut siunnersuisoqatigiit Naalakkersuisunik siunnersuussapput Kalaallit Nunaat aatsitassarsiornikkut qanoq isilluni unammillerluarnerulersinnaanersoq.

Aatsitassanut siunnersuisoqatigiit Naalakkersuisoqatigiit nunani tamalaani aatsitassanik tuniniaavinni pitsaanerusumik saqqummertarnissaannut perrassassavaat. Siunnersuisoqatigiinni ilaasortat nunanit tamalaaneersuussapput.

Ukiakkut ataatsimiinnermi siunnersuisoqatigiiliornissamut aningaasanik immikkoortitsisoqarsimavoq,sapaatillu akunnerini makkunani siunnersuisooqatigiinnut suliassiissutissat Naalakkersuisunit inaarsarneqarput.

– Siunnersuisoqatigiit siunnersortassavaatigut pissutsit qanoq pitsaanerusumik ingerlattarsinnaanerivut, aatsitassanut Naalakkersuisoq Múte Bourup Egede (IA) Sermitsiaq.AG-mut oqarpoq.

Suliassiissutip naammassivinnginnerani siunnersuisoqatigiit suliassaat sunarpiaanersut oqaatigerusunngilaa.

Siunnersuisoqatigiit nutaat Naalakkersuisut siunnersussavaat

– Pingaartumik nunarsuarmi tuniniaavimmi unammillerluarnerulernissatsinnut ikiussavaatigut, Múte Bourup Egede (IA) oqarpoq.

Suliassammi aamma annikinngeqaat. Canadami isumaliutersortarfik Fraser Institute ukiut tamaasa nunanut aatsitassarsiornikkut aningaasaliiffigisassatut qanoq pilerinartiginerannut allattorsimaffiliortarpoq. Allattorsimaffimmilu tassani Kalaallit Nunaat appariartupiloorsimavoq. 2015-imi nunanit 104-nit normu 27-tut inissisimariarluni 2016-imi normu 55-imut appariarsimavoq. 2013-imi Kalaallit Nunaat normu 7-itut inissisimagaluarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER