Skip to main content

Immikkut ilisimasalik: Nittarsaasseriaaseq peqqusersoorpaluttoq

Greenland Minerals-ip Kujataani Kuannersuarni suliniutaa aviisini quppernerni ilivitsuni ussassaarutit nittartakkanilu takoqqusaarutitut ussassaarutit atorlugit annertuumik nittarsaanneqarpoq. Suliniuteqarnermi periuserineqartoq kingulleq tassaavoq immersugassat atorlugit isumasiuineq, immikkut ilisimasalimmik nittarsaasseriaatsitut peqqusersuutut oqaatigineqartoq.

Greenland Minerals ilaatigut nittartakkami Sermitsiaq.AG-mi ussassaarummi immersugassamik inissiisimavoq. Apeqqutit aqqaneq-marluk atorlugit ilaatigut aatsitassarsiulernissamik suliniutip tusagassiuutini sammineqarnera qanoq issimanersoq, ilaatigullu innuttaasut suliniummut qanoq isumaqarnersut, sammineqarpoq, aviisi Sermitsiaq allappoq. 

Assersuutigalugu apeqqutigineqarput, »tusagassiiviit tunngavissalimmik tutsuiginartumillu Kuannersuarni aatsitassarsiorfissaq pillugu paasissutissiinersut?« aamma »Kuan- nersuit pillugu oqallinnerup paasissutissiinerullu ataatsimut isigalugu pissusiviusunikuppernarsarluakkanillu tunngavilimmik ingerlanneqarnersoq?«, tamatumalu saniatigut »urani qanoq pissanersoq« aamma »Kalaallit Nunaat akileraarutinit akitsuutinillu aningaasanik qanoq amerlatigisunik pissarsissanersoq«.

– Peqqusersuumik nittarsaasseriaasiuvoq, taamaattorli nittarsaassineq eqqartorneqartillu akuersaarneqarsinnaasut pissuserissaarnerullu iluanniilluni, Aalborg Universitetimi aningaasaqarnermik aqutsinermi professori, Per Nikolaj Bukh, Kuannersuarni aatsitassarsiorfimmik suliniut pillugu suliamik qanimut malittarinnissimasoq, oqarpoq. Nittarsaasseriaatsimik assingusumik takusaqarsimanngilaq, kisiannili politikkikkut partiit qineqqusaartoqartillugu ilaatigooriarlutik iliuuserisartagaannut assersuullugu.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER