Immikkut ilisimasalik: Danmarkimi naalakkersuisut imminnut ajoquserput
Danmarkip nunanut allanut isumannaallisaanermullu periaasissani nutaaq tamanut saqqummiutsinnagu, Kalaallit Nunaat aamma Savalimmiut akuutissimassagai ilisimatissimassagaalu ilimagineqarsinnaagaluarpoq. Kisianni taamaattoqarsimanngilaq. Tamanna Ilisimatusarfimmi immikkut ilisimasallip tupigusuutigaa, isumaqarlunilu Danmark kisimiilluni ingerlaniarnermigut imminut ajoqusertoq.
Danmarkimi naalakkersuisut nunanut allanut tunngasunut isumannaallisaanermullu politikissaminni nutaami saqqummiussaminni oqaatigimmassuk Naalagaaffeqatigiinni kissaatigineqartoq ”suleqatigiinnermi tunngavigineqassasoq naligiinneq, ataqqeqatigiinneq tatigeqatigiinneq, illuatungeriillunilu akuutinneqarneq”, taava isumaqarnarsinnaagaluarpoq, Kalaallit Nunaat aamma Savalimmiut periaasissap avammut saqqummiunneqannginnerani akuutinneqarsimassasut ilisimatinneqarsimassasullu.
Aviisi Sermitsiaq allappoq.
Taamali pisoqarsimanngilaq. Naalakkersuisut siulittaasuata Múte B. Egedep oqaatigaa, periaasissap ullormi saqqummiunneqarfissaani aatsaat namminerminnut nassiunneqartoq, periaasissallu suliarineqarnerani peqataatinneqarsimanatik. ”Kalaallit Nunaat taamaattumik tassunga piginneqataanngilaq” periaasissallu allanneqarneranut allaqataanatik”, Múte B. Egedep oqaatigaa.
Qaangiinnarneqartut akuutinneqanngitsullu
Ilisimatusarfiup nunanut allanut aamma isumannaallisaanermut politikimut nutaamik sullissiviani, Nasiffimmi, sullissiviup pisortaata Rasmus Leander Nielsenip tupigusuutigaa, naalagaaffeqatigiit pineqartillugit Danmarkimi naalakkersuisut ilikkagaqarsinnaanerat qanoq killeqartigisoq.
Allaaserisaq tamaat uani Sermitsiami pisiarisinnaasanni atuaruk: