Immikkoortortaqarfik nutaaq: Nuup Qitornai
Nunatsinni partiit nutaanersaata aappaa, Nunatta Qitornai, sukkanerusumik namminiilivinnissamik Danmarkimullu piumasaqarnerunissamik kissaateqartoq, siullerpaamik immikkoortortaqarfeqalerpoq Nuummi immikkoortortaqarfik 'Nuup Qitornai' pingasunngornermi pilersinneqarmat
Annonce
Nunatsinni partiit nutaanersaata aappaa, Nunatta Qitornai, sukkasuumik namminiilivinnissamik Danmarkimullu piumasaqarnerunissamik kissaateqartoq pingasunngornermi siullerpaamik immikkoortoqarfittaarpoq.
Tamanna Nuummi pivoq, immikkoortoqarfikNuup Qitornai pilersinneqarmat.
Nuup Qitornaani siulersuisunngortut tassaapput:
- Siulittaasoq: Vittus Qujaukitsoq
- Siulittaasup tullia: Jens Peter Mølgaard
- Aningaaserisoq: Mikael Ludvigsen
- Allatsi: Anders Benjaminsen
- Siulersuisunut ilaasortaq: Linda Petersen
- Siulersuisunut ilaasortaq Pavia Geisler
- Inuusuttunut ataqatigiissaarisoq: Dorthe Olsen
- Sinniisussaq siulleq: Kristian Møller
- Sinniisussap tullia: Sechmann L. Rosbach
Vittus Qujaukitsoq Sermitsiaq.AG-mut paasissutissiivoq, partii Nunatta Qitornai Qaqortumi, Kangaatsiami, Tasiilami, Sisimiuni, Aasianni Qaanaamilu aamma piffissami aggersumi immikkoortoqarlerumaartoq.