Skip to main content

Immikkoortortaqarfiit: IA peqataatitsinerusariaqarpoq

IA-mi immikkoortortaqarfiit arlallit kattuffiup immikkoortortaqarfinnut peqataatitsinerunissaa siuarsaanerunissaalu partiip ataatsimeersuarnissaanut oqaluuserisassatut siunnersuutigaat. Siulittaasumik sapaatiuppat qinersisoqassaaq.

Inuit Ataqatigiit tallimanngorneq 17. septemberimiit sapaat 19. september ilanngullugu nuna tamakkerlugu ataatsimeersuassapput. Ataatsimeersuarneq aallarnerlugu tallimanngorpat isumasioqatigiittoqassaaq. Ilaatigut aalisarneq, mittarfiliorneq kiisalu meeqqat inuusuttullu pillugit suliniutit saqqummiunneqassallutik.

Tallimanngornermi nalunaaqutaq 19.00 ileqquusumik ataatsimeersuarneq aallartinneqassaaq. Ataatsimeersuarnermi immikkoortortaqarfiit siunnersuutaat, ukiuni tullerni pingasuni politikkikkut sulinermi anguniagassat partiillu aningaasaqarnera oqaluuserineqassapput.

Siulersuisunut sapaatiuppat qinersisoqassaaq. Tassani aamma siulittaasumik qinersisoqassalluni.

Ilaasortat ersarinnerusariaqartut

Ataatsimeersuarnermi oqaluuserisassatut aalajangiiffigisassatullu siunnersuutigineqartut arlalissuit siulliitt immikkoortortaqarfiit peqataatinneqarnerunissaannut suleqataaffigineqarnerunissaannullu tunngassuteqarput. Ilaatigut kommuninut Inatsisartunullu qineqqusaarnerit kingulliit assersuutigineqarlutik. 

Marlunnik qinigaaffeqartarneq, qineqqusaarnermi TV-kkut sassarsinnaasut allaasinnaaneri aamma qineqqusaarnermi agguaassassat nassiunneqartartut amerlisinnaaneri immikkoortortaqarfiit ilaatigut oqaluuseriumavaat. Aammali immikkoortortaqarfinnut ammaneruneq peqataatitsinerunissarlu kissaatigineqarput.

- Siulersuisuunerit peqataatitsinerit, inatsisartunut, kommuninut, nunaqarfiit aqutsisuinut, immikkoortortaqarfinnilu siulersuisunut ersarinnerusariaqarput, siunnersuuteqartoq ataaseq allappoq nangillunilu:

- Uanilu qinigaaffimmi ingerlasumi piareersarneq ingerlanneqartariaqarpoq tulliani politikkikkut anguniagassatut qineqqusaartoqarnissaanut innuttaasut peqataatinnissaannut periusissiassamik. Taakkuuppummi tunuliaquttagut ataqqinartut, IA-mi siunnersuuteqartoq allappoq.

IA-p nittartagaani ataatsimeersuarnissamut peqataasussat 79-iusut nalunaarsorneqarsimapput.

Qinikkat immikkoortortaqarfiillu ungasippallaartut

Immikkoortortaqarfiit kissaataasa annerit ilagaat immikkoortortaqarfiit ukiuni tullerni pingasuni politikkikkut suleqataatinneqarnerat nukittunerulersinneqartariaqartoq. Kattuffiullu immikkoortortaqarfinnut suleqateqarnera annertunerulertariaqartoq.

Siunnersuuteqartoq ataaseq allappoq immikkoortortaqarfiit kattuffiullu attaveqatigiinnerat pitsaanerulertariaqartoq, immikkoortortaqarfiit tusarnaarneqarnerusutut misigissappata.

- Qineqqusaarnermilu kingullermi maluginiarneqarpoq qanoq kattuffimmiit immikkoortortaqarfimmut attaveqarneq annikitsigisoq, immikkoortortaqarfiillu kattuffimmut saaffiginnikkaluaraangamik akissutisinissamik utaqqilussiinnartartut, misigitinneqarlutik kattuffimmiit tusaaneqaratillu suleqatigineqaratik, siunnersuuteqartoq tunngavilersuilluni allappoq ilanngullugulu ilisimatitsissutigalugu immikkoortortaqarfiit ilaat computerinik, printerinik attaveqaateqarnikkulluunniit atortorissaarutinik allanik pissarsiniarnermik ajornartorsiuteqartartut.

Ataatsimeersuarnermi takornariaqarneq, aalisarneq aamma peqqinnissaqarfik ilanngullugit oqaluuserineqassapput. Inuit Ataqatigiillu ukiuni tullerni pingasuni politikkikkut anguniagassaat suleriusissaallu aamma oqaluuserineqassallutik.

Ataatsimeersuarnermi pilersaarut oqaluuserisassallu IA-p nittartagaani atuarsinnaavatit.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER