Skip to main content

Immiaaqqat qillerstuusaniittut nioqqutaalernissaat suli ungasittoq

Naalakkersuisut imeruersaatit puuinik utertitsisarnermik nuna tamakkerlugu atuuttussamik nutaamik misissueqqissaarput. 2020-mi upernaakkut ataatsimiittoqarnerani siunnersuuteqartoqarnissaa naatsorsuutigineqarpoq.

Poortuutissanut nalunaarut atuutilermalli nalunaarut iluaqutaasumik immikkoortuni arlalinni pitsannguiffigineqarsinnaasoq ersarissisimavoq, Nivi Olsenip immiaaqqat aamma sodavandit qillertuusaniitillugit nioqqutigineqarsinnaanerannik aamma nunatsinni utertitsisarnermut ilaalernissaanut siunnersuuteqarneranut Naalakkersuisut taama akissuteqarput.

- Naalakkersuisut ilaatigut utertitsisarnermik nuna tamakkerlugu atuuttussamik nutaamik, qilersorsimannginnerusumik unammilleqatigiilernissamut ammaassisumik pilersitsisinnaanermut periarfissanik, tamatumalu peqatigisaanik puukut imaqanngitsut pinngortitamut igiinnarneqartannginnissaannut qulakkeeriffiusunik misissueqqissaarput, akissuteqaammi tamanna allaqqavoq.

Islandimut isumassarsiorneq

- Misissueqqissaarnermi periarfissatut ilusiliat ilaanni imeruersaatit puuinik, immiaaqqanut, imeruersaatinut, imermut, imeruersaatinut eqeersaatitalinnut, viinninut imigassanullu atorneqartunik igalaaminernik, saviminernik plastikkinillu utertitsisarneq, ilaatigut Islandimi utertitsisarneq isumassarsiorfigalugu misissuiffigineqarpoq. Utertitsisarnermi tassani imeruersaatit qillertuusanik poorlugit tunineqartut ilaatinneqarput, akissuteqaammi tamanna allaqqavoq.

Misissuinerit kingulliit naammassineqarnissaat Naalakkersuisunit utaqqineqarpoq. Ilaatigut utertitsisarnerup nutaap qanoq ilusilerneqarsinnaanerata, aaqqissuunneqarsinnaanerata ingerlanneqarsinnaaneratalu misissuiffigineqarnissaa amigaatigineqarpoq.

Aamma akissuteqaammi atuarneqarsinnaavoq, ​​​​​​utertitsisarnermik nutaamik atulersitsiniarlutik aalajangiippata, aamma inuussutissarsiutinik ingerlataqartut utertitsisarnermik nutaamik pilersitsinissamut allannguinissamullu periarfissaqartillugit piffissaliisoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER