Skip to main content

Immiaaqqat Narsameersut Danmarkimi piumaneqarluartut

Immiaaraq Qajaq maanna Danmarkimut tunisassiarineqalerpoq - pisiniarfinnilu immikkut immiaaqqanik tuniniaasuni tuniniagassanngortinneqalerluni

Suliffeqarfik Copenhagen Beer Import maanna Narsameersumik Qajaq Brewerymit immiaaqqanik Danmarkimut tunisassiulerpoq - immiaararlu soqutigineqarlualereerpoq.

Taama aviisi Sermitsiaq allappoq.

Brian Ekstrøm suliffeqarfimmik Copenhagen Beer Importimik piginnittuusoq Narsamiit immianik maqitanik eqqussuisimavoq. Københavimi caféni sisamani pissarsiarineqarsinnaapput.

Maanna immiaaqqanik puiaasaniittunik aamma eqqussuilersimavoq, pisiniarfiillu immikkut immiaaqqanik tuniniaasut attavigimmagit ingerlalluarput

- Pisiniarfinnit akuerineqarluarpugut. Immiaaqqanik immikkut ittunik Danmarkimi tuniniaaneq annertusiartupiloorpoq, taamaattumik kikkut tamarmik immiaaqqanik ujaasipput, mamarneri piinnarnagit pitsaasumillu oqaluttuassartaqarneri aamma paaserusunneqartarlutik, Brian Ekstrøm Sermitsiamut oqaluttuarpoq.

- Immiaaqqat Qajaq Brewerimeersut namminerisaminnik oqaluttuassartaqarnertik pissutigalugu nuannarineqalerput. Taakkumi immiugaagamik imermik sermersuup aanneraneersumik qeqoqanngitsumik, pitsaasumillu mamassuseqarlutik. Taava aamma pingaaruteqarpoq Qajaq Breweri immiorfiummat qaffasissumik anguniagalik, immiaaqqanik assigiinngitsunik arfineq pingasunik neqerooruteqarsinnaasoq siunissamilu amerlanerulerumaartut. Taama oqaluttuassartaqarnera pisisartut nuannaraat, Narsameersunillu Kölschimik imaluunniit Dobbelbockimik ataasinnguartuutigalutik oqaluttuassartaanik tusarnaartarlutik.

Immiaaqqamik Qajamik nioqquteqarneq pillugu aviisimi Sermitsiami paasisaqarnerusinnaavutit, uani ataani linki aqqutigalugu aviisimut isissutissarsisinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER