Immap naqqatigut kabelimip kittorarnera: Kommunit salliutinneqassapput
Kommunit avannarliit marluk inuussutissarsiuteqartunit innuttaasuniillu allanit internetimik sukkanerusumik atuisinnaanerannut qulakkeerneqarput.
Tusagassiutinut nalunaarummi, telemi pisortap Kristian Reinerat Davidsenip aamma Avannaata Kommuniani borgmesterip Palle Jerimiassenip ataatsimoorlutik nassiussaanni allassimavoq.
Sisimiut kujataani immap naqqatigut kabelip kittorarnerata kingunerisaanik Maniitsup avannaaniit Kullorsuup tungaanut internetimik atuisinnaaneq arriinnerulersimavoq. Naammaginnikkunnaarnerlu ima annertutigilersimammat, telemi pisortaq Ilulissanukarsimavoq ajornartorsiut oqaluuseriartorlugu.
Oqartussat, kommuni ilanngullugu, internetimik sukkanerusumik atuisinnaanerannut qulakkeerneqarnissaat, Palle Jerimiassenip nuannaarutigaa.
Akisussaassuseqarneq
- Kommuninut sapinngisamik annikinnerpaamik kiffartuussinerup ajortisarnissaanik tamanna nassataqartitsivoq. Taamatuttaaq maannakkut siunissamilu immap naqqani kabelinik paarinnilluarnissatsinnut peqatigiillu akisussaaffeqarnerput pillugu illuatungeriit aamma isumaqatigiissutigaat, illuatungeriit tusagassiutinut nalunaarumminni allapput.
- Pisoqarneranik paasinnitsitsiniarluni ataatsimiittoqarpoq, aammali Avannaani innuttaasut naapinnissaat siunertaralugu. Ajutoortoqarnermi upalungaarsimaffiup atuuffii, aammalu immap naqqani kabelip qaqugu atorsinnaaleqqinnissaa pillugit ataatsimiinnermi ilisimatitsivoq, allassimavoq.