Immap naqqatigut kabeli suliarineqalerpoq
Umiarsuup, Horizon Enablerip immap naqqatigut kabeli Sisimiut kujataatungaaniittoq qaqissimalerpaa.
Sisimiut Upernaviullu akornanni sukkanerusumik interneteqalernissaq qanittumi pissasoq neriuutigineqarsinnaalerpoq.
Kilisaatip immap naqqatigut kabeli januaarip 21-anili kittorarmagu, atuisut 5.000-it missaanniittut kigaannerusumik interneteqartariaqalersimapput.
Umiarsuup kabelilerisartup, Horizon Enablerip, immap naqqatigut kabelip Sisimiut kujataani nassaarisimalerpaa imaaniillu qaqillugu.
- Iluarsaassineq maanna aallartereerpoq, Tele-Post nittartakkamini allappoq.
Pilersaarutaasimagaluarpoq kabeli martsip qiteqqunnerani iluarsaanneqassasoq. Horizon Enablerili kinguaattoorsimavoq, iluarsaanissallu angumerineqarsinnaanera nalorninarsisimagaluarluni. Avannaanili sukkanerusumik interneteqaqqilernissaq erniinnaq pissasoq maanna neriuutigineqarsinnaaleqqippoq.