Immap naqqatigut kabeli Canadap avataani ajutooqqippoq
Ajutooqqippoq. Arfininngornermut unnuaani Kalaallit Nunaata Canadallu akornanni immap naqqatigut kabeli ajoquteqartoq paasineqarpoq
Immap naqqatigut kabeli ajutooqqippoq. Tamanna paasineqarpoq unnuaq nalunaaqutaq 00.28, taamatut paasissutissiivoq Tele-Post.
Ajutoorne Canadami Milton-ip eqqaaniippoq, maajip 3-anni ajutoorfimmi.
Misissuinerit takutissavaat iluarsaassineq ingerlanneqaqqammersumi kukkuneq pissutaanersoq, imaluunniit tamaani aalisarneq pissutigalugu kabeli nutaamik ajutoorsimanersoq.
Immap naqqatigut kabelip pilersinneqarneranut atatillugu kattuffiit oqartussaasullu attuumassuteqartut tamarmik atortunik kabelip sumiinneranik takutitsisunik tunineqarput. Selskabip maanna misissorpaa canadami Coast Guard aqqutigalugu nutaamik ilimasaarisoqassanersoq.
Aamma atuaruk: Kabelip ajutoorneranut aalisarneq pissutaavoq
Nunatsinnit avammut attaveqaatit tamarmik maanna Island aqqusaarlugu immap naqqatigut kabelikkut ingerlanneqarput. Taamaattumik ajutoorneq nunatsinni internetsimik atuinermut aammalu Nunatsinnit avammullu attaveqarnermut akornutaassanngilaq.
Ajutoornikkut nunani tamalaani atuisartut eqqorneqassapput, Greeenland Connect atorlugu Island aqqusaarlugu Canadamut attavillit. Tele-Poastip atuisartut tamakkua attaveqarfigai.