Skip to main content

Immap naqqanik oqartussaaffeqarusunneq pissutaalluni misissuisoqassaaq

Kunngeqarfiup Danmarkip Qalasersuup ilarujussuanik akisussaaffeqarusunnerata pissutigisaanik DMI-p Qalasersuup imaata naqqa misissorpaa

Danmarki aamma Kalaallit Nunaat ilisimatuussutsikkut tunngaveqartumik misissuisimanini FN-imut nassiussivoq. Tassani Kalaallit Nunaata Qalasersuup imarmaata naqqanut attuumassuteqarnera ersersinneqarpoq. 900.000 km2-it misissorneqarput. DMI misissuinermi peqataavoq.

- Kalaallit Nunaannit 200 sømi qaangerlugu misissuisoqarpoq - taannalu Kalaallit Nunaannut attuumassuteqartuuvoq, oceanografi Steffen Malskær Olsen nassuiaavoq. Sikunik misissuisartoq Rasmus Tage Tonboe nangilluni oqarpoq:

- Issittumi siku nunarsuatsinni misissugaannginnersaavoq - aammami tikiffigissallugu sapernarnersaavoq. Taamaattumik svenskit sikumik sequtserutaat umiarsuaq Oden atorlugu immap naqqa assilineqarpoq. 

Misissuineq Geusimit ingerlanneqarpoq. DMI misissuinermi suleqataavoq. 

- Immap qanoq ititiginera misissorneqarpoq. Tassani ilaatigut aamma immap tarajoqassussaa, qanoq nillertiginera kiisalu naqitsinera aamma misissorneqarlutik. 

Suliaq qaqutigoortoq
Misissuinermut atatillugu DMI aamma ilisimatuussutsikkut misissuivoq. 

- Qalasersuup imartaata naqqa sumut attuumassuteqarnersoq misissorneqarpoq, siku misissorneqarluni kiisalu qaammataasakkut aamma assilineqarluni. DMI-kkut paasissutissanik atorneqarsinnaasut misissorneqarput, ocenaografi Steffen Malskær Olsen ilisimatitsivoq. 

Aamma siku qanoq ittuunersoq kalaallinit DMI-mut paasissutissiisoqarpoq. 

DMI suleqagalugu allaaserineqartoq saqqummiunneqarpoq. Allaaserineqartoq Marianne Brandtimit allanneqarpoq decembarip 15-ani 2014-mi saqqummiunneqarluni. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER