Skip to main content

Immanuelsen: Aqutsinermi pitsaasumik suleriaaseqartoqarpoq

Aalisarnermut Naalakkersuisup Jens Immanuelsenip Aalisarnermik aqutsinermi pitsaasumik suleriaaseqartoqarnissaa malillugu suliassanik suliarinnittoqartarnera tatigilluinnarpaa.

- Aalisarnermik aqutsinermi pitsaasumik suleriaaseqartoqarnissaa malillugu suliassanik suliarinnittoqartarnera tatigilluinnarpara. Naalakkersuisoqarfik suliassat nukinginnartut aalisarnermillu nalinginnaasumik aqutsinerup saniatigut 2020 tamaat aqutsinermik nutarterinikuuvoq. Allaffeqarfik aqutsiveqarfimmut angisoorujussuarmut sanilliullugu sulisukitsuararsuuvoq soorunalumi ilaatigut kukkusoqartarpoq, ataatsimulli isigalugu aalisarnermik aqutsinerup pitsaasusaa qaffasissorujussuuvoq, Jens Immanuelsen tusagassiutinut nalunaarummi oqarpoq.

Naalakkersuisoqarfik Deloittep aqutsinermik misissuinermit nalunaarusiaa nalunaarusiamini allamik naliliisoqarpoq, ilaatigut naalakkersuisoqarfimmi pikatattorujussuarmik suleriaaseqartoqarnera nalilerneqarluni. 

"Suliani misissukkani arlalinni avataasiorluni aamma sinerissap qanittuani aalisarnermut tunngasut pillugit naliliisoqarpoq, qanoq ingerlatsisoqarnissaanik (ingerlatsinermi tunngavissaq) aalajangiisimanerup aamma sullissinerpiamik ingerlatsinerup akornanni assigiinngissuteqartoq. Assersuutigalugu naalakkersuisoqarfimmit tamatigorluinnaq nakkutilliiffigineqarneq ajorpoq, qinnuteqartut (taakkununnga ilanngullugit ingerlatseqatigiiffiit) akileraartussaatitaanermut- aamma najugaqartussaatitaanermut piumasaqaatinik naammassinninnerat, aalisarnermi inatsimmi § 6 naapertorlugu"

Paasissutissiineq pitsaanerusoq

Piumasaqaatinik, akuerineqarnissamut piumasaqaatinik, qinnuteqartarnermik, suliassanik suliarinnittarnermik allaaserisanik nammattunik atuisuniillu atoruminartunik suliaqarnikuullutik Jens Immanuelsen oqarpoq.

- Taamaaliornermilu maannakkut nittartakkamiittunik aalisartunut paasiuminarnerulersitsinissaq atuisuniillu atoruminarnerulersitsinissaq qulakkeerneqassaaq. Aamma qinnuteqarnermi immersugassat tamarmik nutarterneqarnikuupput aqutsinermillu misissuinermi inassuteqaatit malinneqarlutik, qinnuteqarnermut killissarititanik aamma angallatit pillugit uppernarsaataannik piginnittuunermillu uppernarsaatinik erseqqissaaneq ilanngullugu. 

- Qinnuteqarnermi immersugassat aamma nittartakkamiilissapput, taamaalilluni qinnuteqarnermi immersugassat siunissami digitalinngorlugu immersorneqarsinnaalissallutik Naalakkersuisoqarfimmullu toqqaannartumik nassiunneqartassallutik.

Læs hele sagen:

  1. Yderst kritisable forhold i fiskeridepartementet
  2. Sådan sjuskes der i fiskeridepartementet
  3. Erik Jensen er tavs - næsten
  4. Immanuelsen skal trække sig
  5. Immanuelsen tunuartariaqarpoq
  6. Sagsbehandling følger god forvaltningsskik
  7. Fiskeridepartementet rydder op
  8. Pilen peger på Kim i fiskeriskandalen
  9. Kim aalisarnermut tunngatillugu suliami akisussaavoq
  10. Umiatsiaararsortunut itigartitsissutit amerlassusaat ilisimaneqanngillat
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER