Skip to main content

Immanuelsen qaleralittassiissutinik qaffaaniarpoq

Jens Immanuelsen Qeqertarsuup Tunuani qaleralittassiissutit 1100 tonsinik qaffanneqarnissaat pillugit Naalakkersuisunut tamanut siunnersuumminik saqqummiussissaaq. Tamanna ataasinngormat ammasumik siunersiueqatigiinnermi ilisimatitsissutigaa.

Siullermik aalisartut ukioq naallugu qaleralinniassasut aalajangerneqarsimavoq. Taava aalisarneq ullormiit ullormut unitsinneqarpoq. Maannalu aalisarnermut Naalakkersuisup Jens Immanuelsenip Qeqertarsuup Tunuani aalisartut ukioq naallugu pisassaqarnissaat qulakkeerniarlugu pilersaaruteqarpoqd.

Aalisarnermut Naalakkersuisoqarfimmi Naalakkersuisut isummernissaannut tunngavissiortoqarsimavoq, tassani Qeqertarsuup Tunuani qaleralittassiissutit 1100 tonsinik ilaneqarmossaat pilersaarutaalluni. Sineriammulli qanittumi aalisartunut pisassiissutit qaffanneqarnissaannut Naalakkersuisut tamarmiullutik aalajangiissuteqarnissaat apeqqutaassaaq.

- Taamatut qaffaanikkut Qeqertarsuup Tunuani aalisartut ukioq naallugu pisassaqarnissaat qulakkeerneqassaaq, Jens Immanuelsen oqarpoq.

Qaffaanerup ukiumut TAC sunniuteqarfigissagaa

Oktobarip 28-ani Qeqertarsuup Tunuani Uummannamilu aalisarnermik unitsitseriasaartoqarmat, Aalisarnermut, Piniarnermut Nunalerinermullu Ataatsimiititaliap susassaqarfimmut tunngatillugu Naalakkersuisoq Jens Immanuelsen ammasumik siunersiueqatigiinnissamut qaaqquaa.

Oktobarimut pisassiissutit oktobarip aqqaneq-appaanni tamakkerlugit pisarineqarsimapput, ukiulli sinneranut pisassiissutit aamma oktobarip 28-ani nungunneqareersimallutik. 

Naalakkersuisut siusinnerusukkut ataatsimiinnerminni aalajangersimavaat, TAC tamarmiusoq allanngortinngikkaluarlugu Qeqertarsuup Tunuani pisassiissutit qaffanneqarsinnaanersut pillugu naalakkersuisoqarfik misissuissasoq.

TAC-ili allanngortinnagu pisassiissutinik qaffaasoqarsinnaanngitsoq, Jens Immanuelsen ilisimatitsivoq.

Pisassiissutit ikilineqarnissaannik pilersaaruteqarneq

Pisassiissutinik qaffaanissaq Naalakkersuisut ukiumut qaleralittassiissutaasartut ikilineqarnissaannik pilersaarutaannut akerliuvoq, tassa uumassusilerisut TAC-mut tunngatillugu siunnersuutaannut naapertuuttunngortillugit ikilisinneqarnissaannik pilersaarutaannut akerliuvoq. 

Qeqertarsuup Tunuani umiatsiaararsortunut 2020-mut qaleralittassiissutigineqarsimasut Pinngortitaleriffimmi inassuteqaatigineqarsimasunit 59 procentimik annertunerupput.

Immanuelsenip siunersiueqatigiinnermi ilisimatitsissutigaa, Uummannami decembarimut pisassiissutaasimasut 170 tonsit novembarip qaammataanut nuunneqarnissaannik qinnuteqaammik aalisarnermut naalakkersuisoqarfik tigusaqarsimasoq. Qinnuteqaalli suli suliarineqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER