Imigassartorsimallutik biilertut arlallit naammattoorneqartut: Angut aquttarfimmi sinittoq
Nuummi ataasinngornerup unnuaani biilertut pingasut tigusarineqarput imigassartorsimallutillu biilertutut unnerluutigineqarlutik.
Illoqarfiit pingaarnersaanni politiit ataasinngornerup ullaassaani biilertut pingasut unitsippaat. Taakku imigassartorsimanermut killigititaq sinnerlugu imersimasut, alkometerimut supitinneqarnerini, paasineqarput.
Siulleq unitsinneqartoq illoqarfiup ilaani Qinngorpumi nal. 02 missaani pivoq. Biilit ulorianarsinnaasut ingerlasut innuttaasumit nalunaarutigineqarmata politiit ornigupput.
Politiit sumiiffimmut apuummata biilit uninngapput, angut aquttoq aquttarfimmi sinilersimavoq motoori ingerlaannartoq.
Politiinit Thomas Ottesen Sermitsiaq.AG-mut oqarpoq.
Angut tigusarineqarpoq, imigassartorsimalluni biilertutut unnerluutigineqarpoq aaversikkiartorlunilu.
Allat marluk aamma tigusarineqarlutillu unnerluutigineqartut
Unnuup ingerlanerani nalunaaqutaq sisamap missaani imigassartorsimalluni biilersorineqartoq alla politiinit siarngutigineqarpoq.
Nalunaarutiginninneq politiit angummik 400-talimmi unitsitsinermik kinguneqarpoq, taanna aamma aalakoornartutorsimavallaarmat tigusarineqarpoq.
Politiit nalunaaquttap tallima missaani Nuussuup sullorsuata eqqaani biilertunik misissuipput. Tassani angut alla aamma biilertoq aalakoortoq tigusarineqarpoq unnerluunneqarlunilu.
- Imigassartorsimatilluni biilernani bussertoqartarnissaa tarsarluniluunniit maanngaanniit kaammattuutigissavarput, politiit kaammattuipput.
Angutit tigusarineqartut tamarmik aaversereeramik iperagaapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...