Imigassartorsimalluni biilertoq kussinermut nakkarsimasoq
Angut imigassartorsimalluni ataasinngormat unnukkut Nuummi kørekorteqarani biilertoq ajutoorsimavoq.
Kalaallit Nunaanni Politiit ataasingormat unnukkut qulinut tanneq qulingiluat nalunaaarfigineqarput, Nuummi 440-rtalimmi biilinik ajutoortoqarsimasoq.
Sunaaffa biilertoq kisimiilluni kussinermut nakkarsimasoq, aquttorlu imigassartorsimalluni:
- Politiit takkummata aguttoq alkometerimut supitinneqarpoq, akuerisaasorlu sinnerlugu imigassartorsimasoq paasineqarmat, pineqartoq imigassartorsimalluni biilersimasutut unnerluutigineqarluni, Kalaallit Nunaanni Politiit pigaartuisa pisortaat Aqqaluk Petersen oqarpoq.
Kørtekorteqarani biilersimasoq
Pigaartut pisortaata oqaluttuaraa, aquttoq aaversikkiartortinneqarsimasoq, tamatumalu kingorna iperagaasoq.
Politiinit ilanngullugu paasineqarsimavoq, angut kørekorteqarani biilersimasoq.
Ajutoortoqarmat aquttoq allalluunniit ajoqusersimanngillat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...