Skip to main content

Imigassaq ileqqullu peqqinnartut qitiutinneqassasut

Ilisimatusarnermit ersersinneqarpoq meeqqat inuusuttullu sammisassaqartitsinerni peqqinnartuni aaqqissuussaasunilu peqataasut imigassamut tupamullu naaggaarnerusartut. Tamatuma saniatigut ataatsimoorfiit peqqinnartut akuutitsisullu meeqqat inersimasullu isumakkut peqqissusaannik pitsaanerulersitsisarput.

Meeqqat inuusuttullu arsaakkiartartut, pattattartut sunngiffimminniluunniit allanik soqutigisallit, meeqqanit ataatsimoorfinnut peqqinnartunut akuutitsisunullu peqataasanngitsunit imigassamut naaggaarnerusarput. Namminersorlutik Oqartussat Paarisallu sapaatip akunnerani 18-imi nunami tamarmi imigassartoriaaseq ukkatariniarpaat.

Ukioq manna sammisami ”Ataatsimoorfiit peqqinnartut akuutitsisullu”-mi meeqqat ilaqutaasalu atugarissaarnerat isumakkullu peqqissuunerat ukkatarineqarpoq.

-Inuppassuit ataatsimoorfiit sammisassaqartitsinerillu kulturimik naleqartitanillu tunngavillit inuunermi nuannaarnerulissutigisarpaat. Tamatumani pineqarsinnaapput pinngortitami ataatsimoorluni sammisaqarneq, soorlu piniaqatigiinneq aalisaqatigiinnerlu, pilineq, pinngortitami nerisassiorneq, illoqarfik nunaqarfilluunniit qimallugu illuaqqami tupermiluunniit unnuinerit, Namminersorlutik Oqartussat sapaatip akunnerani sammisassat pillugit tusagassiorfinnut nalunaaruteqarlutik allapput.

Sapaatip-akunnera 18 nuna tamakkerlugu malunnartinneqassaaq. Sapaatip-akunnerani 18-imi sammisassaqartitsinernut tapiissutisinissamik illoqarfinnit aqqanilinnit nunaqarfinnillu 21-nit qinnuteqaatit Isumaginninnermut Aqutsisoqarfimmit akuersissutigineqarput, Namminersorlutik Oqartussanit ilisimatitsissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER