Imigassamut inatsit sakkukillineqassaaq

Imigassanut inatsisip allanngortinneqarnissaanut Inatsisartut Naalakkersuisunut peqquneqarnissaanik siunnersuuteqartoqarpoq. Assiaqutit atorunnaarsinneqartussanngorput

Demo mod alkohollov

Inatsisartuni amerlanerussuteqarluartut aalajangerpaat imigassamik inatsisip allannguuteqarnissaa.

Allannguutissatut siunnersuutit sisamat akuerineqarput, siunnersuutinili tamani Inuit Ataqatigiit akerliullutik taasipput.

Inatsisartut aalajangiussaat:

  1. Inuusuttut 18-t norlugit ukiullit unnukkut nalunaaqutaq 20:00-p kingorna Cafèliarlutik kakaoitorsinnaanngornissaat, sodavanditorsinnaanngornissaat assigisaannilluunniit najoqqaasinnaanngornissaat pillugu Imigassaq pillugu Inatsisartut Inatsisaanni § 20 imm. 4 atorunnaarsinnissaanut siunnersuuteqaqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut.
  2. Imigassaq pillugu inatsit allanngortinniarlugu siunnersuummik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasillutik niuertarfiit imigassanik aalakoornartortalinnik nioqquteqarsinnaalersillugit ataasinngornermiit arfininngornermut nalunaaqutaq ullaakkut quliniit unnukkut arfineq- pingasup tungaanut.
  3. Imigassamut inatsimmi imigassat aalakoornartortallit pillugit pilerisaarutit suulluunniit inerteqqutaanerata atorunnaarsinnissaa imaluunniit allamik taama sakkortutigisumik taarserneqarnissaanut Imigassaq pillugu Inatsisartut inatsisaata allanngortinnnissaanut allannguutissamik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut.
  4. Imigassaq pillugu Inatsisartut inatsisaani §28-p atorunnaarsinnissaanut siunnersuuteqaqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasilluni imigassaq nioqqutissanut allanut naleqqiullugu saagorsimajunnaartussanngorlugu.
Powered by Labrador CMS