Imigassamut inatsit assortuussutaasoq maanna unammillerneqalerpoq

Imigassamut inatsit assortuussutaasoq aqagu marlunngornermi Inatsisartuni sakkortuumik unammillerneqalerpoq. Oqaluuserisassanit tallimaasunit sisamat imigassamut inatsimmut tunngassuteqarput, taakku atorunnaarsinneqarnissaat Demokraatit kissaatigaat.

Demo mod alkohollov

Demokraatit imigassamut inatsimmut, ukiormanna marsip aallaqqaataani atuutilersumut akerliunerujussuat suli naammassinngilluinnarpoq. Aalajangiiffissatut siunnersuutit sisamat – tamarmik imigassamut inatsimmut attuumassuteqartut – marlunngornermi siullermeerneqassapput.

Nassuerutiginninnerit?

Naalakkersuisoqatigiit Demokraatit saammaassinerannit ingerlasut, partiip amerlanerussuteqartitsillutik qulakkeerinninnerat pissutigalugu nassueruteqarumaarnersut takussallugu pissanganarpoq.

Inatsisartut ataatsimiittarfianni aalajangiiffissatut siunnersuut oqallisigineqartussaq siulleq Malene Vahl Rasmussenimit saqqummiunneqarpoq. Inuusuttut 18-it inorlugit ukiullit nalunaaqutaq 20.00 kingorna kakaoitoriarsinnaanissaat, sodavanditoriarsinnaanissaat assigisaannillu kissaatigaa.

Maanna inatsisip atuuttup inuit 18-it inorlugit ukiullit biografimi filmereernerup kingorna Katuami cafémi kakaoitorsinnaatinngilai, café imigassamik tuniniaasinnaanermut akuersissuteqarmat.

Ammasarfiit allanngortinneqassapput

Immikkoortup aappaat siullermeerneqartussat tassaavoq, pisiniarfiit imigassamik tuniniaasinnaanerat. Justus Hansenip aamma Randi Vestergaard Evaldsenip ataasinngornermiit arfininngornermut 10.00-mit 20.00 tungaanut pisarnissaa siunnersuutigaa.

- Siunnersuummi pingaarnertut siunertaavoq imigassamut isiginninnermut naliginnaasunngortitsiniaqataanissaq aalakuupallanniarlunilu imertarnermut millisaaqataanissaq, Demokraatineersut marluk taakku allapput.

Siunnersuutip ‘’imigassarsiniarlutik tunuleriiaattut’’ killeqalersissagai aamma maanna imigassamik aalakoornartumik unioqqutitsilluni tuniniaasarnermut ajornartorsiummut annikillisitsissalluni.

Ussassaareqqusinnginneq atorunnaarsinneqassaaq

Randi Vestergaard Evaldsenip aamma imigassanik aalakoornartulinnik ussassaareqqusinnginneq atorunnaarsikkusuppaa,taassuma qupaloraarsuit qamutilinnik piniaraanni taava igaat neqitassaqannginnerannut assersuuppai.

- Siunnersuutip kalaallit immiortut niuernermi nunani allani tunisassiortunut sanilliullugit inissisimanerat pitsaanerulersitsinissaa naatsorsuutigineqartariaqarpoq, taanna aalajangiiffissatut siunnersuummut tunngavilersuummi allappoq.

Randi Vestergaard Evaldsenip aamma aalajangiiffissatut siunnersuutit sisamaat imigassamut inatsimmut tunngasoq, viinnit, immiaaqqat aamma imigassat pisiniarfimmi assersorneqarneranut tunngasoq tunngavilersuiffigissavaa.

Saagulersuineq taamaatillugu

- Imigassaq meerartatsinnut inuusuttatsinnullu toqqortertussanngilarput - napanatinguku aalakoortunik isigisaqartinnginnissaat sissuertussaagipput. Assiaqusersuigutta tamakku ikinnerulissagamik, Randi Vestergaard Evaldsen tunngavilersuummini aperivoq.

Immikkoortut sisamat tamarmik immikkut oqaluuserineqassanngillit, atasumik pissapput, Inatsisartut nittartagaanni tamanna atuarneqarsinnaavoq.

Powered by Labrador CMS