Skip to main content

Imigassamut inatsisissap tusarnaartitsernerit ukiumut 100-t pinngitsoortissavai

Imigassamut inatsisissaq akuerineqassangaluarpat tamanna Nuummiinnaq ukiumut tusarnaartitsinerit 100-t pinngitsoortissavai

Immiorfimmi pisortaajutingaluni neriniartarfimmik piginnittoq Nicolai J. Nissen Sermitsiaq.AG-mut erseqqissaavoq.

Tusarnaartitsinerit 100-t taamaatiinneqassapput

- Agathe Fontainip inatsissatut siunnersuutaa akuerineqarpat, 2018-imiinnaq kalaallit nipilersortartui nuannersut tusarnaartitsinissaraluit 100-t annaassavagut. Nipilersornermi millionilikkuutaanik sipaarniartoqartariaqarpoq, Nuummiinnarlu 2018-imi tusarnaartitsinissaangaluit 100-t pinngitsuussapput, Nicolai J. Nissen Siumut sinnerlugu Kommuneqarfik Sermersuup kommunalbestyrelsianut qinigassanngortinnikoq oqarpoq.

Nutaamik imigassamut inatsiseqalernissaa ilimanarmat, taanna ullumi tallimanngornermi siumoorluni kalerriutigaa sulisunik soraarsitsinermik kinguneqarsinnaasoq, immiorfiummi nerisassaarniarfiulli iluanaarutissaraluatik annaasuussaavaat.

Meeqqat eqqugaassasut

Ilanngullugu tikkuarpaa ajornartorsiutaasoq alla tassunga isumakulutsitsisoq, taassumami ilimangaa meeqqat eqqugaanerpaanissaat.

- Inatsissatut siunnersuummi neriniartarfiit ukiumut aaqqissuuttangaat annertuut arfinillit arfineq-pingasullu akornanniittut unitsinniarneqarput. Tamatuma kingunerissavaa erngunnerit angerlarsimaffeeqqanut pisalernissaat. Meeqqanut ajornerpaamik eqquinikkut ernguttoqartalissaaq. Angerlarsimaffinni eqqissisimaffiusussaangaluarlunilu toqqissisimaviusussaangaluami, Nicolai J. Nissen naliliivoq.

Inatsit naligiiffiusoq

Inatsissatut siunnersuummi aammattaaq aalajangakkersakkamik imaqarpoq imigassanik pilerisaanerup inerteqqutaalernissaa.

- Facebookimut Googlemullu inuillu naapeqatigiittarfii allat nunani allani kiffaanngissuseqarlutik imigassamik pilerinarsaariffigisartagaannut iseqqusaajunnaarneq. Inatsimmi naligiiffiusussaavoq, immiorfimmik nerisassaarniarfimmillu ingerlatalik, inatsissatut siunnersuut Inatsisartuni oqaluuserineqannginnerani mianersoqqusivoq.

Inatsisissatut siunnersuut ataasinngornermi ulloq 13. november aappassaaneerneqassaaq ullullu pingasut qaangiutiinnartut pingajussaaneerneqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER