Imigassallersinnaanermut akuersissut: Aalajangerneq siulleq atorunnaarsinneqarpoq
Kommuneqarfik Sermersuumi kommunalbestyrelse marlunngornermi immikkut ittumik ataatsimiinnermini aalajangerpoq Tasiilami imerniartarfiup ammasarfiisa allanngortinneqarnerigaluat atorunnaarsissallugu.
Tasiilami imerniartarfik imigassallersinnaanermut akuersissutini siulleq atuinnassavaa sapaatillu akunnerisa naaneranni ammasarfitoqqani sivisunerusut atuinnassallugit. Knr.gl taama allappoq.
Kommuneqarfik Sermersuumi inuussutissarsiornermut aningaasaqarnermullu ataatsimiititaliaq marlunngornermi immikkut ittumik ataatsimiinnermini aalajangerpoq Tasiilami imerniartarfiup Arctic Wonderland Diskotekip ammasarfiata sivikinnerulersinneqarnerat atorunnaarsissallugu.
Ammasarfiit nalinginnaasut
Ataatsimiititaliaq septemberip 25-ani ataatsimiinnermini aalajangerpoq Tasiilami imerniartarfik Arctic Wonderland Diskotek Krostuelu imigassallersinnaanissamut akuersissuteqassasoq, sapaatilli akunnerisa naanerini ammasarfii unnuap qeqqata tungaanut sivikillineqassasut.
Innuttaasut tamanna isornartorsiorpaat, ataatsimiititaliamilu Demokraatit sinnerlugit ilaasortap Justus Hansen akuersissutigineqartoq itigartitsissutigalugu isornartorsiorlugu. Isornartorsiuisoqareersorlu aalajangernerigaluaq atorunnaarsinneqarpoq.