Skip to main content

Imigassaateqaqqussinnginneq ombudsmandip isornartorsiorpaa

Aasianni GUp kollegiaani imigassaateqaqqusaannginneq inatsisitigut illersorneqarsinnaarpasinngilaq

Aasianni GUp kollegiaani imigassaateqaqqusaannginneq inatsisartut ombudsmandiata Vera Lethip isornartorsiorpaa. Kollegiani imigassaateqaqqusinnginnermut 2011-mi atuutilersumut inatsisitigut tunngavissamik ombudsmandi nassaarsinnaannginnerarpoq.

Aasianni GU-mi ilinniartut akerliussutsimik takutsipput 2011-ip ukiaani kollegiani imigassaateqaqqusinnginneq aalajangiunneqarmat. Imigassaateqaqqussinnginneq eqqunneqarpoq ilinniartut arlallit erngunnerit kingorna kollegiani anisitaareersut. Erngunnerit ilaanni aamma politiit orniguttariaqartarsimapput erngunneq avaanngunartumik piffiuleraangat.

Taamaattoq Aasianni GUp pisortaata imigassaateqaqqusinnginneq illersorpaa. GUmili ilinniartut aamma tunniutiinnanngillat taamalu 2011-ip ukiaani Inatsisartuni ilaasortanut Naalakkersuisunullu ammasunik allagaqarlutik ombudsmandip nammineq iliuuseqarnermigut misissorsimasaanik.

Ombudsmandip misissuinerminit naliliinini maanna saqqummiuppaa tassanilu ilinniartut maalaarutaat ilalerneqarpoq.

- Ombudsmandi torersuunissamik malittarisassani imigassanik aalakoornartortalinnik inerteqquteqarnermut inatsisikkut tunngavigisaq misissoreerlugu inerniliilluni naliliivoq inerteqqummut pineqartumut inatsisikkut pisariaqarneratut tunngavissaqanngitsoq – pingaartumik ilinniartut ineqarfiini najugaqartut namminneq ineeraat eqqarsaatigalugit, ombudsmand Vera Leth oqarpoq.

Kollegiani torersuunissamik malittarisassat pillugit namminersorlutik oqartussat sinaakkusiussaqanngillat kollegiani imigassaateqaqqussinnginnermut tunngaviusinnaasunik. Kollegialli namminneerlutik malittarisassaliortarput

Aasianni GU-mi ilinniartut malittarisassat atuuttut malillugit kollegianit anisitaasinnaapput iniminni imigassamik nassaarfigineqassagunik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER